Olenborg (Landkreis Rodenborg)

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Sürsen Gemeen: Sandbossel
Inwahners:
Postleettall:	27446
Vörwahl:	04764
Geograafsche Laag:	53° 24′ N, 9° 7′ O

Olenborg (hoochdüütsch Altenburg) is en lütten Oort in de Gemeen Sandbossel (Samtgemeen Sürsen) in’n Landkreis Rodenborg, Neddersassen. De Oort höört polietsch al von öllers bi Ochenhusen mit bi.

Geografie

Olenborg liggt nich wied von dat linke Över von de Oost hen na dat Düvelsmoor.

De Naveröörd sünd Sandbossel in’n Noordoosten, Gooshuus in’n Oosten, Ochenhusen in’n Süüdoosten, Augustendorp un Heinrichsdörp in’n Süüdwesten un Klenkendörp un Mintenborg in’n Noordwesten.

Historie

Verwaltungsgeschicht

De Oort hett vör 1859 to de Böörd Sürsen in dat Amt Zeven tohöört un is denn Deel von dat Amt Bremervöör worrn. Na 1885 weer dat in’n Kreis Bremervöör un na 1932 in’n ne’en, grötteren Kreis Bremervöör. 1977 is dat Deel von’n Landkreis Rodenborg worrn.

Olenborg hett von öllers to de Gemeen Ochenhusen tohöört. Von 1965 bet 1974 hett de Gemeen Ochenhusen to de ole Samtgemeen Sürsen tohöört. De is an’n 1. März 1974 mit de Gemeenreform in Neddersassen oplööst worrn. Sietdem höört dat Rebeed to de Gemeen Sandbossel in de gröttere Samtgemeen Sürsen.

Inwahnertall

Johr	Inwahners
1793-00-001793	2 Füürsteden
1824-00-001824	1 Füürsteed
1848-00-001848	8 Lüüd, 1 Huus
1871-12-011. Dezember 1871	6 Lüüd, 1 Huus

Religion

Olenborg is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur

Verkehr

In’n Oosten von Olenborg liggt de Kreisstraat 101, de in’n Süüdoosten över Ochenhusen na Sürsen an de Bundsstraat 71 ran geiht un in’n Noorden na Sandbossel. Von Sandbossel geiht de K 101 över Mintenborg un Klenkendörp na Fohrendörp. Na Noorden geiht dor von de K 101 de K 148 af, de na Bremervöör föhrt. De K 148 löppt na Süüdwesten an Olenborg langs na Augustendorp un Glinst.

De nächste Autobahn is de Autobahn 1. De Opfohrt 48 Elsdörp liggt so 26 Kilometer in’n Süüdoosten von Olenborg.

De nächste Bahnhoff is so bi ölven Kilometer wied weg in’n Noorden de Bahnhoff Bremervöör an de Bahnlien Bremerhoben–Buxthu. Fröher hett dat in de Neegd ok en Bahnhoff an de Bahnlien Bremervöör–Wasra geven. Dat weer de Bahnhoff Sürsen söven Kilometer in’n Süüdoosten. Dor hett dat von 1890 bet 1968 Personenverkehr geven.