Sahlenborg

Sahlenborg (hoochdüütsch Sahlenburg) is en Oort in de Gemeen Cuxhoben in’n Landkreis Cuxhoben, Neddersassen.

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Cuxhoben
Flach:	9,39 km²
Inwahners:	3.578 (2006-12-3131. Dezember 2006)
Inwahnerdicht:	381 Inwahners pro km²
Postleettall:	27476
Vörwahl:	04721
Geograafsche Laag:	53° 52′ N, 8° 38′ O
Laag von Sahlenborg in de Gemeen Cuxhoben (Koort lett sik anklicken)

Sahlenburg (2012)

Blick op dat Wadd vör Sahlenborg

Hooghüüs in Sahlenborg

Geografie

Sahlenborg liggt op de Geest bi de Noordsee un de Neddersassische Waddensee un in de Cuxhobener Küstenheid. De Wernerwald liggt in’n Süüdoosten.

De Naveröörd sünd Duhnen un Döös in’n Noordoosten, Cuxhoben un Westerwisch in’n Oosten, Süderwisch, Spangen un Holt in’n Süüdoosten un Arensch in’n Süüdwesten.

Historie

Toeerst in de Oorkunnen kummt de Sahlenborg, wat en Borg von de Herrn von Lapp wesen is, an’n 19. Juli 1325 vör, as Wolderik Lapp in en Verdrag toseggt, dat he nich mehr gegen Jan von Stotel un Luder von Wersebe angahn will. De Lapps sünd denn aver so üm un bi 1400 na de Borg Ritzbüttel wegtrocken.

1394 warrt de Oort tohoop mit Döös, Stickenbüttel, Duhnen, Steenmarn un Ritzbüttel an Hamborg verköfft.

In’n Eersten Weltkrieg sünd twölv Soldaten ut Sahlenborg fullen oder vermisst, un in’n Tweten 117.

Sahlenborg hett noch bet to’n Groot-Hamborg-Gesett (1. April 1937) to Hamborg tohöört. Denn is dat Deel von’n Kreis Land Hadeln worrn. An’n 1. Juli 1963 is Sahlenborg mit Holt-Spangen to en Samtgemeen tohoopgahn un an’n 1. Juni 1970 is Sahlenborg denn Deel von de Gemeen Cuxhoben worrn.

Inwahnertall

Johr	Inwahners
1826-00-001826	87 Inwahners, 20 Hüüs
1847-00-001847	114
1866-12-033. Dezember 1866	142
1871-12-011. Dezember 1871	131
1910-12-011. Dezember 1910	371
1925-00-001925	414
1933-00-001933	453
1939-00-001939	837
2006-12-3131. Dezember 2006	3.578

Religion

Sahlenborg is evangeelsch-luthersch präägt un billt mit de Johannes-Kark en egen Kaspel.

Wapen

Dat Wapen wiest baven op blauen Grund en sülvern Meev mit gollen Snavel un Fööt. Ünnen, dor Wellesnidd afdeelt, wiest dat op sülvern Grund en rode Müür.

Oortsbörgermeesters

Börgermeesters:

• –1951: Hans Claußen

Oortsbörgermeesters:

• opstunns: Herbert Kihm

Kultur

In Sahlenborg gifft dat en Denkmaal för de Fullenen ut de twee Weltkrieg’.

Weertschop un Infrastruktur

Sahlenborg is en Utfloogsoort (Stand 1. Januar 2015). Dat bedüüdt ünner annern, dat na dat Neddersassische Gesett över de apenen Tieden un de Verkoopstieden von Ladens Ladens ok sünndags apenmaken dröfft.

Verkehr

Sahlenborg is över de Kreisstraat 2 in’n Süüdoosten mit Spangen verbunnen un in’n Noordoosten denn wieder över de K 3 mit Cuxhoben un Duhnen. Ans gifft dat noch en lüttjere Straat na Arensch.

De nächste Bahnhoff is in Cuxhoben an de Bahnlien Bremen-Cuxhoben un an de Nedderelvbahn na Hamborg, wat so bi söss Kilometer weg is.

Scholen

De Grundschool Sahlenborg is 1951 boot worrn un hett vondaag so üm un bi 150 Schölers.

De Kita Wilhelm-Volkmer-Weg is in'n September 1994 inwieht worrn um warrt von dat DRK bedreven.

Weblenken

Sahlenborg. Mehr Biller, Videos oder Audiodateien to’t Thema gifft dat bi Wikimedia Commons.

Öörd in de Gemeen Cuxhoben

Berensch-Arensch | Cuxhoben | Döös | Duhnen | Groden | Holt-Spangen | Olenbrook | Olenwoold | Sahlenborg | Stickenbüttel | Süderwisch-Westerwisch | Worth