Schüülg’n

Wapen/Flagg	Koort
Basisdaten
Bundsland: Neddersassen Landkreis: Veern Gemeen: Langwedel
Inwahners:
Postleettall:	27299
Vörwahl:	04232
Geograafsche Laag:	52° 59′ N, 9° 15′ O

Schüülg’n (hoochdüütsch Schülingen) is en Dörp in de Gemeen Langwedel in’n Landkreis Veern, Neddersassen. Binnen de Gemeen Langwedel höört de Oort to de polietsche Oortschop Hobüttel.

Geografie

De Oort liggt op de Achem-Veerner Geest. Dat Water ut dat Rebeed flütt över Gravens na de Ole Aller un de Werser af.

De Naveröörd sünd Oobering, Heidkroog un Holbm in’n Noordoosten Wall un Daulsen in’n Süden, Nindörp un Hobüttel in’n Süüdwesten, Doolbröch in’n Westen un Völkersen in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Wall in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort hett al von öllers to de Buurschop un later to de Gemeen Hobüttel höört, de an’n 1. Juli 1972 mit de Gemeenreform in Neddersassen Deel von de Gemeen Langwedel worrn is. Sietdem höört Schüülg’n to de Oortschop Hobüttel.

Inwahnertall

Johr	Inwahners
1791-00-001791	3 Füürsteden
1812-00-001812	33
1824-00-001824	5 Füürsteden
1848-00-001848	60 Lüüd, 8 Hüüs
1871-12-011. Dezember 1871	56 Lüüd, 9 Hüüs
1885-12-011. Dezember 1885	47 Lüüd, 8 Hüüs
1905-12-011. Dezember 1905	48 Lüüd, 8 Hüüs

Religion

Schüülg’n is evangeelsch-luthersch präägt un höört to dat Kaspel von’n Doom to Veern.

För de Kathoolschen is de St.-Josef-Kark in Veern tostännig.

Kultur

Verenen

In Saken Schüttenvereen un Sportvereen sünd de Lüüd ut Schüülg’n vör allen bi de Vereens in Hobüttel aktiv.

Weertschop un Infrastruktur

För Schüülg’n is de freewillige Füürwehr Hobüttel mit tostännig.

Verkehr

Schüülg’n is över lüttjere Straten verbunnen mit Wall un de Bundsstraat 215 in’n Oosten un de Landsstraat 155 in’n Westen. De L 155 löppt in’n Noordwesten över Doolbröch un Völkersen na Postdörp un Otterbarg un in’n Süden över Hobüttel un Nindörp an de L 158 ran. De B 215 geiht von Wall ut in’n Noordoosten na Rodenborg un in’n Süden över Daulsen na Veern un Dörbern.

De nächste Autobahn is de Autobahn 27 (Afsnidd Bremen–Wasra). De Opfohrt 25 Veern-Noord liggt so veer Kilometer in’n Süden von Schüülg’n an de B 215.

De nächste Bahnhoff is so bi veer Kilometer wied weg in’n Westen de Bahnhoff Langwedel an de Bahnlienen Wunsdörp–Bremen un Ülzen–Langwedel. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen

De Kinner ut Schüülg’n gaht op de Grundschool Völkersen. Ganz fröher güngen de Kinner in Wall na School. As Hobüttel 1895 en egen Schoolhuus kregen hett, güngen dor ok de Kinner ut Schüülg’n hen. De Volksschool in Hobüttel hett 1969 wedder dichtmaakt.

Literatur

• Chronik der Gemeinde Holtebüttel: Holtebüttel, Dahlbrügge, Nindorf, Schülingen, Overing. 2006