Schnuckenstall

Wapen/Flagg	Koort
Basisdaten
Bundsland: Neddersassen Landkreis: Veern Gemeen: Veern
Inwahners:
Postleettall:	27283
Vörwahl:	04231
Geograafsche Laag:	52° 56′ N, 9° 17′ O

Schnuckenstall (hoochdüütsch Schnuckenstall) is en lütten Oort in de Gemeen Veern in’n Landkreis Veern, Neddersassen. Binnen de Gemeen Veern höört dat to de polietsche Oortschop Scharnhors.

Geografie

De Oort liggt op de Achem-Veerner Geest. Dat Water ut dat Rebeed flütt in’n Süden över’n Lindhooper Graven na’n Gohbeek hen af un in’n Noorden över Steenbeek un Halsbeek na de Aller.

De Naveröörd sünd Scharnhors in’n Noorden, Hoost un Deelsen in’n Noordoosten, Lindhoop un Kerklinneln in’n Oosten, Wetenmöhlen in’n Süüdoosten, Oosterkroog, Bössel un Veern in’n Süüdwesten un Ulemöhlen, Neemöhlen un Doomöhlen in’n Noordwesten.

Historie

De Oort Schnuckenstall kummt 1683 toeerst in de Oorkunnen vör un is as Schaperee grünnt worrn. De Schaap sünd op de Heid ümto lopen. Den Besitter von’n Eggershoff in Kerklinneln, Hermann Cordes (1854–1915), hett ok de Schnuckenstall tohöört. Vörher harr he fiev annere Buurn, de de Hoff mit tohöört hett, affunnen. To’n Schnuckenstall hebbt to düsse Tied 125 Hektar Land tohöört. Düsse Heid hett Cordes opforsten laten.

Verwaltungsgeschicht

De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort höört von öllers bi de Gemeen Scharnhors mit bi, de an’n 1. Juli 1972 mit de Gemeenreform in Neddersassen Deel von de Gemeen Veern worrn is.

Inwahnertall

Johr	Inwahners
1824-00-001824	1 Füürsteed
1848-00-001848	9 Lüüd, 1 Huus
1871-12-011. Dezember 1871	7 Lüüd, 1 Huus
1885-12-011. Dezember 1885	5 Lüüd, 1 Huus
1905-12-011. Dezember 1905	9 Lüüd, 3 Hüüs

Religion

Schnuckenstall is evangeelsch-luthersch präägt un höört to dat Kaspel von’n Doom to Veern.

För de Kathoolschen is de St.-Josef-Kark in Veern tostännig.

Weertschop un Infrastruktur

Bi Schnuckenstall an de L 171 gifft dat en Gewarvrebeed, in dat ünner annern de Füürwehrtechnische Zentraal Veern, dat Aller-Tegelwark Hermann Cordes un de Masterrind ansiedelt sünd. Dichtbi liggt ok de Magic Park Veern.

Verkehr

Schnuckenstall liggt an en Siedenstraat von de Landsstraat 171, de in’n Oosten na Kerklinneln un Visselhöövd geiht un in’n Westen na Veern an de L 160 un de B 215. De B 215 wedder löppt in’n Noordoosten na Rodenborg un in’n Süden na Dörbern un Neenborg.

De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost liggt so een Kilometer in’n Süden von Schnuckenstall an de L 171.

De nächste Bahnhoff is so bi veer Kilometer wied weg in’n Süüdwesten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen

De Kinner ut Schnuckenstall sünd fröher in Scharnhors na de Volksschool gahn. Vondaag gaht se op de Grundschool an’n Sassenhain in Daulsen/Halsmöhlen.