Snakenmöhlen

Wapen/Flagg Koort
hett keen Wapen
Snakenmöhlen
Laag vun Snakenmöhlen in Düütschland
Basisdaten
Bundsland: Neddersassen
Landkreis: Rodenborg
Samtgemeen: Tarms
Gemeen: Westertimk
Inwahners:
Postleettall: 27412
Vörwahl: 04289
Geograafsche Laag:
Koordinaten:53° 14′ N, 9° 9′ O
53° 14′ N, 9° 9′ O

Snakenmöhlen (hoochdüütsch Schnakenmühlen) is en Hoff in de Gemeen Westertimk (Samtgemeen Tarms) in’n Landkreis Rodenborg, Neddersassen. De Oort höört polietsch al von öllers bi Westertimk mit bi.

GeografieÄnnern

De Oort liggt op de Zevener Geest an de Wörp, in de dichtbi de Westertimker Beek münnt.

De Naveröörd sünd Karktimk in’n Noorden, Oostertimk un Hemel in’n Noordoosten, Steenfeld in’n Süüdoosten, Olenbülst un Neenbülst in’n Süden, Tarmst in’n Westen un Westertimk in’n Noordwesten.

HistorieÄnnern

VerwaltungsgeschichtÄnnern

In de Franzosentied von 1810 bet 1814 hett de Oort to de Mairie Karktimk in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Amtsvaagdie Wilst in dat Amt Otterbarg tohöört un denn von 1859 bet 1885 to dat Amt Zeven. Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.

InwahnertallÄnnern

Johr Inwahners
1791-00-001791[1] 1 Füürsteed
1812-00-001812[2] 12
1824-00-001824[3] 2 Füürsteden
1871-12-011. Dezember 1871[4] 9 Lüüd, 1 Huus

ReligionÄnnern

Snakenmöhlen is evangeelsch-luthersch präägt un höört to dat Kaspel von de Lambertus-Kark in Karktimk.

För de Kathoolschen is de Corpus-Christi-Kark in Rodenborg tostännig.

Weertschop un InfrastrukturÄnnern

VerkehrÄnnern

Snakenmöhlen liggt an en Blangenstraat von de Bülster Straat, de in’n Noordwesten na Westertimk an de Landsstraat 133 ran geiht un in’n Süden na Bülst an de Kreisstraat 117. De K 117 löppt in’n Süüdwesten na Wilst un in’n Süüdoosten an de L 132, de in’n Süden över Vörwark un Otterst na Otterbarg föhrt. De L 133 löppt in’n Süüdwesten na Tarmst un Leendaal un in’n Noordoosten över Karktimk, Oostertimk un Badenst na Zeven.

De nächste Autobahn is de Autobahn 1 (Afsnidd HamborgBremen). De Opfohrt 49 Bokel liggt so 14 Kilometer in’n Süüdoosten von Snakenmöhlen an de B 71.

De nächste Bahnhoff is so bi 19 Kilometer wied weg in’n Süden de Bahnhoff Otterbarg an de Bahnlien Hamborg–Bremen. Von 1917 bet 1964 hett dat in Tarmst en Bahnhoff an de Bahnlien Wilst–Töst geven, de so fiev Kilometer in’n Süüdwesten von Snakenmöhlen leeg.

FootnotenÄnnern

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 204
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 544
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 173