Spieker Olendiek
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27637 | |
| Vörwahl: | 04741 | |
| Geograafsche Laag: | Koordinaten:53° 46′ N, 8° 34′ O53° 46′ N, 8° 34′ O | |
|
| ||
De Spieker Olendiek (hoochdüütsch Spiekaer Altendeich) is en Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Spiek mit bi.
Geografie ännern
De Oort liggt in de Masch von Land Wusten. De Noordsee liggt good twee Kilometer in’n Westen. Dat Water ut dat Rebeed warrt över Gravens na de Spieker Waterlöös hen afföhrt.
De Naveröörd sünd Noordholt in’n Noordoosten, Dieksenn in’n Oosten, de Wackelstraat, de Spieker Noordermarren un Steenau in’n Süüdoosten, Spiek in’n Süden, de Cappeler Nedderstreek un de Cappeler Olendiek in’n Süüdwesten, dat Cappeler Neefeld in’n Westen un dat Spieker Neefeld mit de Hööv Liether Hoff, Langenhoff, Pompdamm, Halvmaand un Schöönoort in’n Noordwesten.
Historie ännern
Verwaltungsgeschicht ännern
De Oort weer vör 1852 in dat Spieker Noorderveerdel von dat Kaspel Spiek un hett to dat Vaagdiegericht Land Wusten tohöört. Von 1852 bet 1885 weer dat in dat Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Gemeen Spiek is an’n 1. März 1974 mit de Gemeenreform in Neddersassen Deel von de Gemeen Noordholt worrn. To’n 1. Januar 2015 is de Gemeen Noordholt oplööst un dor is tohoop mit de Samtgemeen Land Wusten de ne’e Gemeen Wuster Noordseeküst von worrn. Binnen de Gemeen höört de Spieker Olendiek nu to de Oortschop Noordholt.
Inwahnertall ännern
| Johr | Inwahners |
|---|---|
| 1824[1] | 14 Füürsteden |
| 1. Dezember 1871[2] | 53 Lüüd, 9 Hüüs |
Religion ännern
De Spieker Olendiek is evangeelsch-luthersch präägt un höört to dat Kaspel von de Georg-Kark in Spiek.
För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.
Weertschop un Infrastruktur ännern
Verkehr ännern
An’n Spieker Olendiek langs löppt de Kreisstraat 68, de in’n Noordoosten na Noordholt un an de Landsstraat 135 ran geiht un in’n Süüdwesten an dat Dorumer Neefeld un Padingbüddel langs. In’n Noordwesten geiht de K 73 na dat Spieker Neefeld.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 3 Noordholt liggt knapp negen Kilometer in’n Süüdoosten von’n Spieker Olendiek an de K 14.
De nächste Bahnhoff is so bi dree Kilometer wied weg in’n Noordoosten de Bahnhoff Noordholt an de Bahnlien Bremerhoben–Cuxhoben.
Footnoten ännern
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 568
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154