Wapen/Flagg Koort
hett keen Wapen
Liether Hoff
Laag vun Liether Hoff in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Inwahners:
Postleettall: 27637
Vörwahl: 04741
Geograafsche Laag:
Koordinaten:53° 47′ N, 8° 33′ O
53° 47′ N, 8° 33′ O

Karte

De Liether Hoff (hoochdüütsch Liether Hof) is en Hoff in de Gemeen Wuster Noordseeküst in’n Landkreis Cuxhoben, Neddersassen. Dat höört to den Oort Spieker Neefeld mit to.

Geografie ännern

De Liether Hoff liggt in dat Neefeld von Land Wusten. De Hauptdiek liggt so bi 300 Meter un de Küst von de Noordsee üm un bi een Kilometer wied weg in’n Westen.

De Liether Hoff is Deel von’n Oort Spieker Neefeld. De annern Hööv sünd Schöönoort, Halvmaand, Pompdamm un Langenhoff (all in’n Noordoosten). De Öörd ümto sünd Berensch un Ox in’n Noordoosten, Noordholt in’n Oosten, Dieksenn, Spieker Olendiek un Spiek in’n Süüdoosten un Cappeler Neefeld in’n Süüdwesten.

Historie ännern

De Liether Hoff is grünnt worrn, nadem dat Neefeld 1636 nee indiekt worrn is.

1739 hett de Domänenkamer Hannover den Hoff för 1039 Rieksdaler von de Familie von der Lieth köfft.[1] Dormit is de Liether Hoff en Domanialhoff worrn.

Verwaltungsgeschicht ännern

In de Franzosentied von 1810 bet 1814 hett de Oort to de Mairie Spiek in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett von 1739 bet 1819 to dat Amt Noordholt tohöört, denn bet 1852 to dat Vaagdiegericht Land Wusten un von 1852 bet 1885 to dat Amt Dorum. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

An’n 1. Juli 1968 hebbt sik de Gemenen Cappeler Neefeld, Spiek un Spieker Neefeld to een Gemeen tohoopslaten, de mit de Gemeenreform in Neddersassen an’n 1. März 1974 denn Deel von de Gemeen Noordholt worrn is.

To’n 1. Januar 2015 is de Gemeen Noordholt oplööst un dor is tohoop mit de Samtgemeen Land Wusten de ne’e Gemeen Wuster Noordseeküst von worrn. Dat Rebeed von de vörherige Gemeen Noordholt billt nu de polietsche Oortschop Noordholt binnen de Gemeen Wuster Noordseeküst.

Inwahnertall ännern

Johr Inwahners
1791-00-001791[2] 1 Füürsteed
1824-00-001824[3] 1 Füürsteed
1848-00-001848[4] 8 Lüüd, 1 Huus
1871-12-011. Dezember 1871[5] 11 Lüüd, 1 Huus

Religion ännern

De Liether Hoff is evangeelsch-luthersch präägt un höört to dat Kaspel von de Georg-Kark in Spiek.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Weertschop un Infrastruktur ännern

Verkehr ännern

De Liether Hoff is över’n Domänenweg verbunnen mit de Kreisstraat 73, de von Spieker Neefeld in’n Süüdoosten na Spieker Olendiek an de K 68 ran geiht. De K 68 geiht in’n Süüdwesten na Spiek un in’n Oosten na Noordholt un is dor an de Landsstraat 135 anslaten.

De nächste Autobahn is de Autobahn 27 (Afsnidd BremerhobenCuxhoben). De Opfohrt 3 Noordholt liggt so ölven Kilometer in’n Süüdoosten von’n Liether Hoff an de K 14.

De nächste Bahnhoff is so bi söss Kilometer wied weg in’n Oosten de Bahnhoff Noordholt an de Bahnlien Bremerhoben–Cuxhoben.

Footnoten ännern

  1. Heinrich Daniel Andreas Sonne: Erdbeschreibung des Königreichs Hannover. Voigt, 1817, Sied 256
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 142
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 374
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 147
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154