Steenbarg (Landkreis Heidkreis)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29643 | |
| Vörwahl: | 05195 | |
| Geograafsche Laag: | Koordinaten:53° 2′ N, 9° 45′ O53° 2′ N, 9° 45′ O | |
|
| ||
Steenbarg (hoochdüütsch Steinberg) is en lütten Oort in de Gemeen Neenkerken in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Jilbern.
Nöömt is de Oort na’n 91,5 m över de See hogen Steenbarg, de en beten na Noorden to liggt.
Geografie ännern
De Oort liggt in de Lümbörger Heid. Dat Water ut dat Rebeed flütt över Jilberner Beek un Hahnenbeek na de Wiedau hen af.
De Naveröörd sünd Jillhorn un Vahlzen in’n Noorden, Vorwark un Reimen in’n Noordoosten, Wieheholt in’n Oosten, Ellng in’n Süüdoosten, Levern in’n Süden, Limbeek in’n Süüdwesten un Jilbern in’n Westen.
Historie ännern
Steenbarg is en jungen un lütten Oort. Dat gifft dor twee Riederhööv.
Verwaltungsgeschicht ännern
De Oort hett fröher to’n Kreis Soltau höört. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.
De Oort höört von öllers bi de Gemeen Jilbern mit bi. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Neenkerken worrn. Sietdem höört Steenbarg to de Oortschop Jilbern, de en egen Oortsvörsteiher hett.
Religion ännern
Steenbarg is evangeelsch-luthersch präägt un höört to dat Kaspel von de Bartholomäus-Kark in Neenkerken.
För de Kathoolschen is de St.-Maria-von’n-hilligen-Rosenkranz-Kark in Soltau tostännig.
Weertschop un Infrastruktur ännern
För Steenbarg is de freewillige Füürwehr Jilbern mit tostännig.
Verkehr ännern
Dör Steenbarg löppt de Kreisstraat 40, de in’n Westen över Jilbern na Delsen geiht un in’n Oosten na Wieheholt un Woltern. In’n Süden geiht en lüttje Straat na Levern an de Bundsstraat 71. De B 71 löppt in’n Noordwesten över Neenkerken, Delsen un Täwel na Rodenborg un in’n Süüdoosten na Soltau.
De nächste Autobahn is de Autobahn 7 (Afsnidd Hamborg–Hannover). De Opfohrt 45 Soltau-Süüd liggt so 14 Kilometer in’n Süüdoosten von Steenbarg an de B 3.
De nächste Bahnhoff is so bi negen Kilometer wied weg in’n Süüdoosten de Bahnhoff Soltau, de an de Heidbahn un an de Amerikalien liggt. Twüschen 1920 un 1961 hett dat ok Personenverkehr op de Bahnlien Soltau–Neenkerken geven. De nächsten Bahnhööv in Neenkerken un Jilbern weren in düsse Tied so bi dree Kilometer wied weg.
Scholen ännern
De Kinner ut Steenbarg gaht na de Grundschool Neenkerken.