Jeem

Jeem (Utspraak Dschehm, hoochdüütsch Gyhum) is en Gemeen in den Landkreis Rodenborg (Wümm) in de Samtgemeen Zeven in Neddersassen. Dor wahnt 2417 Inwahners (Stand 31. Dezember 2021).

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Samtgemeen: Zeven

Flach:

48,44 km²

Inwahners:

2417 (31. Dezember 2021)

28 m över de See

27404

04286

Koordinaten:53° 13′ N, 9° 19′ O53° 13′ N, 9° 19′ O

Grenzen bi OSM:

965591

Gemeenslötel:

03 3 57 018

Öörd in de Gemeen:

5

Börgermeester:

Lars Rosebrock (SPD)

Websteed:

www.gyhum.de/

Koort

Kreis

Bi dat Dörp Jeem höört von öllers ok de lüttje Oort Siek mit bi.

Geologie Ännern

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Wo Jeem liggen deit Ännern

Jeem liggt twüschen de Kreisstadt Rodenborg (Wümm) un de Stadt Zeven, de nah Noorden to liggt. In den Oort gifft dat en Klinik för Rehabilitatschoon. De is ok buten de Gegend allerwegens bekannt.

Wie de Gemeende updeelt is Ännern

In Jeem gifft dat de Oortsdelen Bokel, Heesdörp, Jeem, Narbn un Wehldörp.

Historie Ännern

Verwaltungsgeschicht Ännern

In de Franzosentied von 1810 bet 1814 weer de Oort Seet von de Mairie Jeem in’n Kanton Rodenborg. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Jeem in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

1929 is de Gemeen Bokel oplööst un Deel von de Gemeen Jeem worrn. To’n 1. Oktober 1949 is Bokel denn aver wedder en egenstännige Gemeen worrn.^[1]

Von 1965 bet 1974 weer de Gemeen Jeem Maat von de ole Samtgemeen Zeven. De Gemenen Bokel, Heesdörp, Narbn un Wehldörp sünd mit de Gemeenreform in Neddersassen an’n 1. März 1974 Deel von de Gemeen Jeem worrn un Jeem weer denn Maat von de ne’e un gröttere Samtgemeen Zeven.

Inwahnertall Ännern

Johr	Inwahners
1793-00-001793^[2]	20 Füürsteden
1824-00-001824^[3]	20 Füürsteden
1848-00-001848^[4]	176 Lüüd, 27 Hüüs
1871-12-011. Dezember 1871^[5]	192 Lüüd, 30 Hüüs
1949-10-011. Oktober 1949^[1]	539

Religion Ännern

De St. Margarethenkark in Jeem

Jeem is evangeelsch-luthersch präägt un billt mit de Margarethenkark en egen Kaspel. Dat is en Feldsteenkark, de woll bi 1000 Johre oolt is.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

De Gemeende ehr Raat Ännern

Siet de Kommunalwahl in’n September 2011 sett sik de Gemeenraat as folgt tosamen:

Partei	2016	2011	2006
CDU	6	6	6
SPD	7	7	7

De Börgermeester vun Jeem is Lars Rosebrock un kümmt vun de SPD.

Börgermeesters Ännern

Tied	Naam	Partei
1991–2016	Friedhelm Helberg	SPD
2016–	Lars Rosebrock	SPD

Wat in Jeem sünners is Ännern

Jummers dat eerste Wekenenn in'n Juli is dree Daag lang dat „Jeemer Schüttenfest“. Ok sunst gifft dat bi den Sportvereen, bi de Füürwehr oder bi den Schüttenvereen hen un wenn mol abends Danz un Ball.

Wat dat in Jeem ok gifft Ännern

In den Oort gifft dat en Filiaal vun de Spoorkass un en Kinnergoorn. De Stüttpunkt vun de Füürwehr is mit en LF 8/6 un en MTF utrüst.

Bekannte Lüüd Ännern

In den Jeemer Oortsdeel Narbn leev de bekannte Schriever Walter Kempowski. Kempowski is 1999 ok to’n Ehrenbörger von Jeem maakt worrn.

Weertschop un Infrastruktur Ännern

Verkehr Ännern

Jeem liggt bi de Bundsstraat 71, de Bundsautobahn 1 un an de Bahnstreck vun Bremervöör nah Wasra. Dor weert aber keen Personen mehr up beföddert.

Scholen Ännern

De Kinner ut Jeem gaht op de Grundschool Elsdörp.

Footnoten Ännern

↑ ^a ^b Neues Archiv für Niedersachsen. Band 3, W. Dorn, 1949, Sied 871
↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 82: https://books.google.de/books?id=jN5QAAAAcAAJ&pg=RA1-PA82
↑ C. H. Jansen: Statistisches Handbuch des Königreichs Hannover. 1824, Sied 230: http://books.google.de/books?id=tG0AAAAAcAAJ&pg=PA230
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170

Weblinks Ännern

Öörd in de Gemeen Jeem

Bokel | Jeem (mit Siek) | Heesdörp | Narbn | Wehldörp (mit Wehldörperholt)

Städer un Gemenen in den Landkreis Rodenborg (Wümm)

[NeuesArchiv-1] Neues Archiv für Niedersachsen. Band 3, W. Dorn, 1949, Sied 871

[InwahnertallRef1-2] C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 82: https://books.google.de/books?id=jN5QAAAAcAAJ&pg=RA1-PA82

[InwahnertallRef2-3] C. H. Jansen: Statistisches Handbuch des Königreichs Hannover. 1824, Sied 230: http://books.google.de/books?id=tG0AAAAAcAAJ&pg=PA230

[InwahnertallRef3-4] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141

[InwahnertallRef4-5] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170

[1]

[2]

[3]

[4]

[5]