Winkeldörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27367 | |
| Vörwahl: | 04288 | |
| Geograafsche Laag: | Koordinaten:53° 12′ N, 9° 12′ O53° 12′ N, 9° 12′ O | |
|
| ||
Winkeldörp (hoochdüütsch Winkeldorf) is en Dörp in de Gemeen Horß (Samtgemeen Söttmer) in’n Landkreis Rodenborg, Neddersassen.
Geografie
ännernDat Dörp liggt op de Zevener Geest. Dat Water ut dat Rebeed flütt na Süüdoosten över’n Clünnersbeek na de Wiest hen af. An’n Noordwestrand von Winkeldörp liggt de Waterscheed na’n Bülster Möhlenbeek, de na de Wörp hen flütt. Na Süüdwesten doot de beiden Hölter Linnwedel un Stapeler Holt liggen.
De Naveröörd sünd Steenfeld in’n Noorden, Narbn in’n Oosten, Horß in’n Süüdoosten, Stapel in’n Süden, Vörwark in’n Süüdwesten un Neen- un Olenbülst in’n Noordwesten.
Historie
ännernWinkeldörp kummt 1374 as Winkelthorpe toeerst in de Oorkunnen vör.
Bet 1974 hebbt to Winkeldörp ok noch Flächen in dat Moor twüschen Steenfeld un Wehldörp tohöört, de 1,5 Kilometer von’n Rest von de Feldmark weg weren. Bi de Gemeenreform in Neddersassen 1974 sünd düsse Flächen denn aver an de Gemeen Jeem fullen.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Jeem in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Huusvaagdie Otterbarg in dat Amt Otterbarg tohöört un is 1859 in dat Amt Rodenborg wesselt. Na 1885 weer dat in’n Kreis Rodenborg. 1977 is dat Deel von’n Landkreis Rodenborg worrn.
Winkeldörp hett sik 1969 noch as egenstännige Gemeen de Samtgemeen Söttmer anslaten. De Oort is an’n 1. März 1974 mit de Gemeenreform in Neddersassen Deel von de Gemeen Horß worrn.
Inwahnertall
ännern| Johr | Inwahners |
|---|---|
| 1812[1] | 82 |
| 1824[2] | 30 Füürsteden |
| 1848[3] | 137 Lüüd, 21 Hüüs |
| 1. Dezember 1871[4] | 139 Lüüd, 27 Hüüs |
| 1. Dezember 1885[5] | 160 Lüüd, 29 Hüüs |
| 1. Dezember 1905[6] | 166 Lüüd, 27 Hüüs |
| 1. Dezember 1910[7] | 171 |
| 1925[8] | 180 |
| 1933[8] | 191 |
| 1939[8] | 197 |
Religion
ännernWinkeldörp is evangeelsch-luthersch präägt un höört to dat Kaspel von de Johannes-de-Döper-Kark in Horß. Düsse Kark is 1963 boot un 1989 as Karkengemeen egenstännig worrn. Vörher hett Winkeldörp to dat Kaspel von de Georg-Kark in Söttmer höört.
Dat gifft en egen Karkhoff in Winkeldörp.
Kultur
ännernVerenen
ännernDe Schüttenvereen Winkeldörp is 1920 grünnt worrn.
Weertschop un Infrastruktur
ännernWinkeldörp hett en egene freewillige Füürwehr, de 1937 grünnt worrn is.
Verkehr
ännernDör Winkeldörp löppt de Kreisstraat 112, de in’n Oosten över Narbn na Bokel an de Bundsstraat 71 ran geiht un in’n Westen bi Olenbülst an de Landsstraat 132. In’n Süden löppt de K 201 na Horß un Taaken. De B 71 löppt in’n Noorden na Zeven un Bremervöör un in’n Süüdoosten na Rodenborg.De L 132 wedder geiht in’n Noordoosten över Steenfeld un Hemel na Brüttendörp an de B 71 un in’n Süüdwesten över Vörwark un Otterst na Otterbarg.
De nächste Autobahn is de Autobahn 1 (Afsnidd Hamborg–Bremen). De Opfohrt 49 Bokel liggt so söven Kilometer in’n Oosten von Winkeldörp an de B 71.
De nächste Bahnhoff is so bi 14 Kilometer wied weg in’n Süden de Bahnhoff Söttmer an de Bahnlien Hamborg–Bremen. Fröher hett dat in de Neegd ok Bahnhööv an de Bahnlien Bremervöör–Wasra geven. Dat weren de Bahnhööv Jeem un Mulmshoorn knapp teihn Kilometer in’n Noordoosten/Süüdoosten. Dor hett dat von 1906 bet 1968 Personenverkehr geven.
Footnoten
ännern- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 670
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 181
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de