Viehspecken

Wapen/Flagg	Koort
Basisdaten
Bundsland: Neddersassen Landkreis: Oosterholt Samtgemeen: Hambargen Gemeen: Vollerso
Inwahners:
Postleettall:	27729
Vörwahl:	04794
Geograafsche Laag:	53° 19′ N, 8° 57′ O

De Viehspecken (hoochdüütsch Viehspecken) is en lütten Oort in de Gemeen Vollerso (Samtgemeen Hambargen) in’n Landkreis Oosterholt, Neddersassen.

Geografie

De Oort liggt in dat Düvelsmoor direkt an de Steed, an de de Giehler Beek un de Kollbeek tohoopfleet un de Hamm billt.

De Naveröörd sünd Giehlermoor un Kuhstermoor in’n Noorden, Meinershagen un Noordsood in’n Noordoosten, Oostersood in’n Oosten, Heudorp un Huttendorp in’n Süüdoosten, Düvelsmoor, Bornrieh un Friedensheim in’n Süüdwesten, Wallhöben in’n Westen un Wallhöbenermoor, Vollerso un Ahrensdörp in’n Noordwesten.

Historie

De Viehspecken besteiht vondaag ut en Landgasthuus mit en Campingplatz. Dat Gasthuus höört siet 1855 de Familie Dierks to.

De Naam Viehspecken geiht trügg op Vieh (betütt sik op dat fuchtige Land langs de Hamm) un Specken. Dat betekent also en Knüppeldamm, de över de Hamm güng.

Verwaltungsgeschicht

De Oort hett vör 1885 to de Vaagdie Hambargen in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort hett al jümmer bi de Gemeen Wallhöben mit bihöört. Düsse Gemeen is an’n 1. April 1937 Deel von de Gemeen Vollerso worrn.

Inwahnertall

Johr	Inwahners
1871-12-011. Dezember 1871	12 Lüüd, 2 Hüüs
1885-12-011. Dezember 1885	14 Lüüd, 2 Hüüs
1905-12-011. Dezember 1905	28 Lüüd, 3 Hüüs

Religion

De Viehspecken is evangeelsch-luthersch präägt un höört to dat Kaspel von de Ansgar-Kark in Wallhöben. De Wallhöbener Kark is 1966 boot un 1997 egenstännige Karkengemeen worrn. Vörher hett de Oort to de Cosmae-un-Damiani-Kark in Hambargen tohöört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur

För’n Viehspecken is de freewillige Füürwehr Vollerso mit tostännig.

Verkehr

Över’n Viehspecken löppt de Kreisstraat 19, de in’n Westen na Wallhöben an de Bundsstraat 74 ran geiht un in’n Oosten in Oostersood an de Landsstraat 165. De B 74 föhrt von Wallhöben in’n Noordoosten över Kuhs un an Gnarrenborg langs na Bremervöör un in’n Süüdwesten över Hambargen, Oosterholt-Scharmbeek un Hu’e na Bremen-Noord. De L 165 löppt von Oostersood in’n Noordoosten na Korlshöben un in’n Süden na Huttenbusch un an de L 153.

De nächste Autobahn is de Autobahn 27 (Afsnidd Bremen–Bremerhoben), de mit ehre verscheden Opfohrten so üm un bi 27 Kilometer von’n Viehspecken af is.

De nächste Bahnhoff is so bi twölv Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben.