Westeresch
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 510 (30. September 2009) | |
| Postleettall: | 27383 | |
| Vörwahl: | 04263 | |
| Geograafsche Laag: | Koordinaten:53° 11′ N, 9° 27′ O53° 11′ N, 9° 27′ O | |
|
| ||
Westeresch (hoochdüütsch Westeresch) is en Dörp un Oortschop in de Gemeen Scheeßl in’n Landkreis Rodenborg, Neddersassen. To de Oortschop Westeresch höört blangen Westeresch sülvs ok Wenkeloh mit to.
Geografie Ännern
De Naveröörd sünd Sootel in’n Noorden, Wenkeloh un Helsch in’n Noordoosten, Büschelskamp in’n Oosten, Scheeßl in’n Süüdoosten, Westerholt in’n Süüdwesten un Hetzweeg, Wittkopsbossel un Olenhöben in’n Noordwesten.
Historie Ännern
Westeresch kummt 1128 toeerst in de Oorkunnen vör.
In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en, grötteren Kreis Rodenborg worrn.
Von 1964 bet 1974 weer de Gemeen Westeresch Maat von de Samtgemeen Scheeßl. De Oort is an’n 1. März 1974 mit de Gemeenreform in Neddersassen Deel von de Gemeen Scheeßl worrn. Dorbi sünd de Gemeen Westeresch un de Samtgemeen Scheeßl oplööst worrn. Binnen de Gemeen Scheeßl billt dat Dörp nu en Oortschop mit egen Oortsbörgermeester un en Oortsraad mit fiev Liddmaten.
In’n Tweten Weltkrieg sünd ölven Soldaten ut Westeresch fullen oder vermisst.[1]
Inwahnertall Ännern
| Johr | Inwahners |
|---|---|
| 1793[2] | 10 Füürsteden |
| 1824[3] | 12 Füürsteden |
| 1848[4] | 122 Lüüd, 18 Hüüs |
| 1. Dezember 1871[5] | 126 Lüüd, 22 Hüüs |
| 1. Dezember 1910[6] | 193 |
| 1933[7] | 235 |
| 1939[7] | 237 |
| 30. September 2009 | 510 |
Religion Ännern
Westeresch is evangeelsch-luthersch präägt un höört to dat Kaspel von de Lucas-Kark in Scheeßl. Fröher hett de Oort to dat Kaspel von de Dionysius-Kark in Zittens höört.
Oortsbörgermeesters Ännern
| Tied | Börgermeester | Partei |
|---|---|---|
| opstunns | Heiko Cordes |
Kultur Ännern
Gedenktafeln för de Fullenen ut de twee Weltkrieg’ hängt in Scheeßl in de Kark.
Verenen Ännern
Westeresch hett en egene freewillige Füürwehr un en Schüttenvereen, de 1922 grünnt worrn is.
Weertschop un Infrastruktur Ännern
Verkehr Ännern
Dör Westeresch löppt de Kreisstraat 225, de in’n Noorden na Sootel löppt un in’n Süden an de Landsstraat 131 ran geiht. De L 131 geiht denn in’n Süüdoosten wieder na Scheeßl an de Bundsstraat 75 un in’n Noordwesten dör Hetzweeg un Abbendörp na Elsdörp un dor över de Opfohrt 48 Elsdörp an de Autobahn 1 ran (ölven Kilometer wied weg von Westeresch).
De nächste Bahnhoff is so bi fiev Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen.
Footnoten Ännern
- ↑ http://www.denkmalprojekt.org/2009/scheessel_kirche_wk1u2_ns.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 247: https://books.google.de/books?id=jN5QAAAAcAAJ&pg=PA247
- ↑ C. H. Jansen: Statistisches Handbuch des Königreichs Hannover. 1824, Sied 656: http://books.google.de/books?id=tG0AAAAAcAAJ&pg=PA656
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 152: http://books.google.de/books?id=eOI-AAAAcAAJ&pg=PA152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
- ↑ http://www.gemeindeverzeichnis.de/gem1900/gem1900.htm?hannover/rotenburg.htm
- ↑ a b http://www.verwaltungsgeschichte.de/rotenburg.html
Abbendörp-Hetzweeg | Badlsdörp | Jeersdörp | Oostervees | Scheeßl | Sootel | Westeresch | Westerholt | Westervees | Wittkopsbossel | Wohlsdörp