Wohlenbekermoor

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Loomst Gemeen: Loomst
Inwahners:
Postleettall:	21769
Vörwahl:	04771
Geograafsche Laag:	53° 40′ N, 9° 9′ O

Wohlenbekermoor (hoochdüütsch Wohlenbeckermoor) is en lütten Oort in de Gemeen Loomst (Samtgemeen Loomst) in’n Landkreis Cuxhoben, Neddersassen. De Oort höört polietsch al von öllers bi Wohlenbeek mit bi.

Geografie

De Oort liggt in’t Moor an’n Hockmöhlener Möhlenbeek. Na Westen hen slütt sik de Loomster Geest an.

De Naveröörd sünd Warstood in’n Noorden, Tegelkamp un Basbeek in’n Noordoosten, de Möhlenreeg in’n Oosten, Bornbarg in’n Süüdoosten, Ihlbeek un Seth in’n Süden, Hockmöhlen un Wohlenbeek in’n Süüdwesten un Heeßel mit Schuppenfeld, Pulvermöhl un Wedelsforth in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Böörd Loomst binnen dat Amt Bremervöör tohöört un von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Bet to de Gemeenreform in Neddersassen an’n 1. Juli 1972 weer Wohlenbeek en egen Gemeen un is denn Deel von de Gemeen Loomst worrn.

Inwahnertall

Johr	Inwahners
1824-00-001824	3 Füürsteden
1848-00-001848	65 Lüüd, 4 Hüüs

Religion

Wohlenbekermoor is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Weertschop un Infrastruktur

Verkehr

Von Wohlenbekermoor geiht de Oortsstraat na Wohlenbeek in’n Süüdwesten un an de Bundsstraat 495 ran, de denn wedder in’n Süden na Loomst un Bremervöör geiht. Na Noordoosten geiht von de Oortsstraat de Schaapbrügger Moorweg af, de na Basbeek un dor an de Bundsstraat 73 ran geiht. De B 73 löppt in’n Süüdoosten över Heckthusen un Himmelpoorten na Stood un in’n Noordwesten över Kumbarg un Oterndörp na Cuxhoben.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 31 Kilometer in’n Süüdoosten von Wohlenbekermoor.

De nächste Bahnhoff is so bi twee Kilometer wied weg in’n Noordoosten de Bahnhoff Hemmoor an de Nedderelvbahn.