Tegelkamp (Gemeen Hemmoor)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21745 | |
| Vörwahl: | 04771 | |
| Geograafsche Laag: | Koordinaten:53° 41′ N, 9° 10′ O53° 41′ N, 9° 10′ O | |
|
| ||
De Tegelkamp (hoochdüütsch Ziegelkamp) is en lütten Oort in de Gemeen Hemmoor (Samtgemeen Hemmoor) in’n Landkreis Cuxhoben, Neddersassen. De Oort höört polietsch al von öllers bi Basbeek mit bi un is vondaag kumplett mit Basbeek un Warstood tohoopwussen.
Geografie
ännernDe Tegelkamp liggt op’n Rand von de Loomster Geest hen na dat Randmoor von de Maschen von de Oost. In’n Süden von’n Oort flütt de Heeßler Möhlenbeek langs.
De Naveröörd sünd Basbeek in’n Noordoosten, de Möhlenreeg in’n Süüdoosten, Wohlenbekermoor in’n Süden, Wohlenbeek in’n Süüdwesten, Heeßel mit Schuppenfeld, Pulvermöhl un Wedelsforth in’n Westen un Warstood in’n Noordwesten.
Historie
ännern1913 hett de Firma Tonlager Tegelkamp anfungen, op’n Tegelkamp op 13 Hektar Toon aftoboon un en Tegelwark opboot. Dit Wark is denn in de Johren 1960 dichtmaakt worrn.
Verwaltungsgeschicht
ännernDe Oort hett vör 1859 to de Böörd Loomst binnen dat Amt Bremervöör tohöört un von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
ännern| Johr | Inwahners |
|---|---|
| 1. Dezember 1905[1] | 133 Lüüd, 28 Hüüs |
Religion
ännernDe Tegelkamp is evangeelsch-luthersch präägt un höört to dat Kaspel von de Michael-Kark in Basbeek.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Weertschop un Infrastruktur
ännernDe freewillige Füürwehr von Basbeek is för’n Tegelkamp mit tostännig.
Verkehr
ännernDe Tegelkamp is över lüttjere Straten anbunnen an de Bundsstraten 73 un 495. De B 495 geiht in’n Noordoosten na Oosten un Wischhoben un in’n Süüdwesten över Loomst na Bremervöör. De B 495 löppt in’n Noordwesten över Kumbarg un Oterndörp na Cuxhoben un in’n Süüdoosten över Heckthusen un Himmelpoorten na Stood.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 29 Kilometer in’n Süüdoosten von Tegelkamp.
De nächste Bahnhoff is en knappen Kilometer Kilometer wied weg in’n Noorden de Bahnhoff Hemmoor an de Nedderelvbahn von Cuxhoben na Hamborg.
Ver- un Entsorgung
ännernDat fleten Water för’n Tegelkamp kummt von’n Waterverband Wingst. Dat Afwater warrt in dat Klärwark Hemmoor klärt.
Footnoten
ännern- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
Basbeek (mit de Möhlenreeg, Sethlerhemm un den Tegelkamp) | Heeßel (mit Wedelsforth, de Pulvermöhl un dat Schuppenfeld) | Hemm | (Oold-)Hemmoor (mit en Deel von Ohrensfluchtermoor) | Westersood (mit Bröckelbeek) | Warstood (mit Swartenhütten)