Möhlenreeg (Gemeen Hemmoor)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21745 | |
| Vörwahl: | 04771 | |
| Geograafsche Laag: | Koordinaten:53° 40′ N, 9° 11′ O53° 40′ N, 9° 11′ O | |
|
| ||
De Möhlenreeg (hoochdüütsch Mühlenreihe) is en Oort in de Gemeen Hemmoor (Samtgemeen Hemmoor) in’n Landkreis Cuxhoben, Neddersassen. De Oort höört polietsch al von öllers bi Basbeek mit bi.
Geografie
ännernDe Möhlenreeg liggt in de Masch von de Oost. An’n Noordrand von de Möhlenreeg doot Heeßler Möhlenbeek un Hockmöhlener Beek tohoopfleten un billt dor dat Basbeker Slüsenfleet. Na Süden to liggt de Ihlbeker Kanaal. De Kant na de Loomster Geest liggt glieks an’t Noordenn von de Möhlenreeg.
De Naveröörd sünd Basbeek in’n Noorden, Sethlerhemm in’n Noordoosten, Lüttwöhrn un Bornbarg in’n Süüdoosten, Ihlbeek in’n Süden, Wohlenbekermoor in’n Westen un Tegelkamp un Warstood in’n Noordwesten.
Historie
ännernVerwaltungsgeschicht
ännernDe Oort hett vör 1859 to dat Amt Bremervöör tohöört un denn von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Möhlenreeg höört von öllers to Basbeek. De Gemeen Basbeek is 1968 denn Deel von de Gemeen Hemmoor worrn un de Gemeen Hemmoor 1971 Maat von de Samtgemeen Hemmoor.
Inwahnertall
ännern| Johr | Inwahners |
|---|---|
| 1. Dezember 1885[1] | 73 Lüüd, 16 Hüüs |
| 1. Dezember 1905[2] | 74 Lüüd, 13 Hüüs |
Religion
ännernDe Möhlenreeg is evangeelsch-luthersch präägt un höört to dat Kaspel von de Michael-Kark in Basbeek.
För de Kathoolschen is de St.-Ansgar-Kark in Warstood tostännig.
Weertschop un Infrastruktur
ännernDe freewillige Füürwehr von Basbeek is för de Möhlenreeg mit tostännig.
Verkehr
ännernDe Möhlenreeg liggt an en Blangenstraat von de Bundsstraat 73, de in’n Noordwesten över Basbeek/Warstood/Hemmoor, Kumbarg un Oterndörp na Cuxhoben geiht un in’n Süüdoosten över Himmelpoorten na Stood un Buxthu.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 27 Kilometer in’n Süüdoosten von Möhlenreeg.
De nächste Bahnhoff is so bi twee Kilometer wied weg in’n Noordwesten de Bahnhoff Hemmoor an de Nedderelvbahn von Cuxhoben na Hamborg. De Bahnlien geiht ok direkt an de Möhlenreeg langs.
Ver- un Entsorgung
ännernDat fleten Water för de Möhlenreeg kummt von’n Waterverband Wingst.
Footnoten
ännern- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
Basbeek (mit de Möhlenreeg, Sethlerhemm un den Tegelkamp) | Heeßel (mit Wedelsforth, de Pulvermöhl un dat Schuppenfeld) | Hemm | (Oold-)Hemmoor (mit en Deel von Ohrensfluchtermoor) | Westersood (mit Bröckelbeek) | Warstood (mit Swartenhütten)