Wohlthöben
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27729 | |
| Vörwahl: | 04793 | |
| Geograafsche Laag: | Koordinaten:53° 20′ N, 8° 47′ O53° 20′ N, 8° 47′ O | |
|
| ||
Wohlthöben (hoochdüütsch Wohlthöfen) is en Oort in de Gemeen Ax (Samtgemeen Hambargen) in’n Landkreis Oosterholt, Neddersassen.
Geografie
ännernWohlthöben liggt in dat Bremer Holt. Nich wied weg in’n Noordwesten flütt de Billerbeek an’n Oort langs.
De Naveröörd sünd Ax in’n Noorden, Ollendörp in’n Noordoosten, Lübbs in’n Süüdoosten, Schrum in’n Süden, Biloh, Bremerhorn un Albst in’n Süüdwesten un Harndorp in’n Noordwesten.
Historie
ännernIn de Franzosentied von 1810 bet 1814 hett de Oort to de Mairie Dammhagen in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to dat Gericht Neenhusen tohöört un denn von 1852 bet 1885 to dat Amt Hagen. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn.
De Oort is 1929 Deel von de Gemeen Ax worrn. Bi de Gemeenreform in Neddersassen is de Gemeen Ax an’n 1. März 1974 von’n Landkreis Wersermünn in’n Landkreis Oosterholt wesselt.
1936 hett de Luftwaffe von dat Düütsche Riek anfungen, in Wohlthöben de Muna Lübbs antoleggen. De is bet 1945 von de Luftwaffe bruukt worrn. Na’n Tweten Weltkrieg is de Anlaag von de US-Armee (2nd Armored Division, 1945 bet 1954 un 1978 bet 1992) un de Bundswehr (1956 bet 2009) bruukt worrn.
Inwahnertall
ännern| Johr | Inwahners |
|---|---|
| 1793[1] | 5 Füürsteden |
| 1812[2] | 25 |
| 1848[3] | 33 Lüüd, 5 Hüüs |
| 1. Dezember 1871[4] | 7 Lüüd, 2 Hüüs |
| 1. Dezember 1910[5] | 15 |
Religion
ännernWohlthöben is evangeelsch-luthersch präägt un höört to dat Kaspel von de Jacobi-Kark in Braamst.
Weertschop un Infrastruktur
ännernVerkehr
ännernAn Wohlthöben löppt de Kreisstraat 39 langs, de in’n Süüdwesten an de Kreisgrenz na’n Landkreis Cuxhoben to de Kreisstraat 48 warrt un na Albst un Wolsbuddel geiht. In’n Süüdoosten geiht de K 39 na Lübbs an de Landsstraat 128 ran. In’n Noorden geiht de K 38 na Ax.
De nächste Autobahn is de Autobahn 27. De Opfohrt 13 Uthleer liggt so 13 Kilometer in’n Süüdoosten von Wohlthöben.
De nächste Bahnhoff is de Bahnhof Lübbs an de Bahnlien Bremen–Bremerhoben, de direkt in Wohlthöben liggt.
Footnoten
ännern- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 256: https://books.google.de/books?id=jN5QAAAAcAAJ&pg=PA256
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 104: http://books.google.de/books?id=Q 5OAAAAcAAJ&pg=PA104
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154: https://books.google.de/books?id=qTZDAQAAMAAJ&pg=RA2-PA154
- ↑ http://www.gemeindeverzeichnis.de/gem1900/gem1900.htm?hannover/geestemuende.htm