Albst
Albst (hoochdüütsch Albstedt) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04746 | |
| Geograafsche Laag: | Koordinaten:53° 20′ N, 8° 43′ O53° 20′ N, 8° 43′ O | |
 | ||
|
| ||
Geografie
ännernDicht bi Albst liggt de Gackau, de hier ehren Born hett.
De Naveröörd sünd Finn, Finterbarg un Harndorp in’n Noorden, Ax un Wohlthöben in’n Noordoosten, Biloh in’n Oosten, Ohlenst in’n Süüdoosten (de letzten veer in’n Landkreis Oosterholt), Büggeln un Hoop in’n Süden, Wolsbuddel un Woldar in’n Süüdwesten un Dörphagen in’n Noordwesten.
Historie
ännernDat eerste Maal kummt de Oort 1105 as Alpenstedi in en Oorkunn von’n Bremer Arzbischop Friedrich I. vör.
Verwaltungsgeschicht
ännernVör 1885 weer Albst in’t Amt Hagen un na 1885 in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
An’n 1. März 1974 is de ole Gemeen Albst Deel von de Gemeen Wolsbuddel worrn. An’n 1. Januar 2014 sünd Albst un Wolsbüddel denn tohoop Deel von de ne’e Gemeen Hagen worrn. Dorbi is de vörherige Gemeen Wolsbuddel in verscheden Oortschoppen opdeelt worrn, de nu wedder de Gemenen afbillt, so as se vör 1974 bestahn hebbt. Albst billt sietdem en Oortschop mit egen Oortsvörsteiher.
Inwahnertall
ännern| Johr | Inwahners |
|---|---|
| 1824[1] | 28 Füürsteden |
| 1848[2] | 160 Lüüd, 28 Hüüs |
| 1. Dezember 1910[3] | 184 |
| 1925[4] | 223 |
| 1933[4] | 265 |
| 1939[4] | 273 |
Religion
ännernAlbst is evangeelsch-luthersch präägt un höört bi dat Kaspel von de Lucia-Kark in Wolsbuddel.
Wapen
ännernDat Wapen von Albst is dwars deelt un wiest vörn baven op gollen Grund en swarte Borenpoot mit rode Klauen un achtern ünnen op blauen Grund en sülvern Leel.
De Borenpoot kummt ut dat Wapen von de Greven von Hoya, de fröher in Albst Besitt harrn, un de Leel steiht för dat Klooster Lelendaal, dat ok Besitt in Albst harr.
Oortsvörsteihers
ännern- 1. Januar 2014–: Philipp Lange (CDU)
Kultur
ännernVerenen
ännernDe Schützenvereen Albst is an’n 23. März 1929 grünnt worrn.
Weertschop un Infrastruktur
ännernAlbst hett en egen Freewillige Füürwehr.
Verkehr
ännernAlbst liggt an de Kreisstraat 48, de in’n Noordoosten na Wohlthöben löppt. In’n Süüdwesten löppt de Straat över Büggeln, Wolsbuddel un Leernst na Uthleer. Twüschen Büggeln un Wolsbuddel krüüzt de K 48 de Landsstraat 135 un bi Leernst liggt de Opfohrt 13 Uthleer op de Autobahn 27 (Afsnidd Bremen–Bremerhoben). Ans gifft dat noch lüttjere Straten na Dörphagen un Biloh.
De nächste Bahnhoff is de Bahnhoff Lübbs in Wohlthöben an de Bahnlien Bremen-Cuxhoben.
Scholen
ännernAlbst hett en egen Kinnergoorn.
Footnoten
ännern- ↑ C. H. Jansen: Statistisches Handbuch des Königreichs Hannover. 1824, Sied 10: http://books.google.de/books?id=tG0AAAAAcAAJ&pg=PA10
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ http://www.gemeindeverzeichnis.de/gem1900/gem1900.htm?hannover/geestemuende.htm
- ↑ a b c http://www.verwaltungsgeschichte.de/wesermuende.html
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)