Bremerhorn
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04793 | |
| Geograafsche Laag: | Koordinaten:53° 19′ N, 8° 46′ O53° 19′ N, 8° 46′ O | |
|
| ||
Bremerhorn (hoochdüütsch Bremerhorn) is en lütten Oort in de Gemeen Hagen in’n Landkreis Cuxhoben, Neddersassen. De Oort höört polietsch von öllers bi Harndorp mit bi.
Geografie
ännernDe Oort liggt op de Oosterholter Geest an’n Rand von’n Bremerwoold. Dat Water ut dat Rebeed flütt vör allen över dat Schaufleet na de Giehler Beek hen af. Dat Water in’n Noordwesten flütt aver na de Gackau un in’n Noordoosten na’n Billerbeek.
De Naveröörd sünd Ax in’n Noorden, Wohlthöben un Lübbs in’n Noordoosten, Bullwinkel in’n Oosten, Schrum un Hambargen in’n Süüdoosten, Biloh un Ohlenst in’n Süden, Haslah un Hoop in’n Süüdwesten, Büggeln in’n Westen un Albst un Harndorp in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Dammhagen in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett fröher to dat Gericht Kassbrook tohöört un is denn in dat twete Veerdel von dat 19. Johrhunnert in dat Amt Hagen wesselt un weer dor in Böörd Braamst. Dor is de Oort bet 1885 bleven. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Gemeen Harndorp is an’n 1. März 1974 mit de Gemeenreform in Neddersassen Deel von de Gemeen Braamst (Samtgemeen Hagen) worrn. Braamst wedder is an’n 1. Januar 2014 Deel von de Gemeen Hagen worrn.
Inwahnertall
ännern| Johr | Inwahners |
|---|---|
| 1791[1] | 2 Füürsteden |
| 1812[2] | 8 |
| 1824[3] | 2 Füürsteden |
| 1848[4] | 14 Lüüd, 2 Hüüs |
| 1. Dezember 1871[5] | 15 Lüüd, 2 Hüüs |
Religion
ännernBremerhorn is evangeelsch-luthersch präägt un höört to dat Kaspel von de Jacobi-Kark in Braamst.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur
ännernVerkehr
ännernAn Bremerhorn langs löppt de K 16/K 47. De K 16 löppt in’n Süden över Ohlenst un Hülsbarg op Oosterholt-Scharmbeek to un is över de K 4 an de Bundsstraat 74 anbunnen. In’n Noorden krüüzt de K 47 de K 48 un münnt in Harndorp in de K 46.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so twölv Kilometer in’n Oosten von Bremerhorn an de K 48.
De nächste Bahnhoff is knapp fiev Kilometer wied weg in’n Noordoosten de Bahnhoff Lübbs an de Bahnlien Bremen–Bremerhoben.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 36
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 88
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)
