Üserdicken
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28832 | |
| Vörwahl: | 04207 | |
| Geograafsche Laag: | Koordinaten:53° 3′ N, 9° 5′ O53° 3′ N, 9° 5′ O | |
|
| ||
Üserdicken (hoochdüütsch Ueserdicken) is en lütten Oort in de Gemeen Achem in’n Landkreis Veern, Neddersassen. Binnen de Gemeen höört de Oort to’n Oortsdeel Üsen.
Geografie
ännernDe Oort liggt op’n Rand von de Achem-Veerner Geest hen na dat Moor. Dat Water flütt över’n Bassener Möhlengraven na de Wümm hen af.
De Naveröörd sünd Bassen un Lüttjen Hollen in’n Noorden, Petershollen un Groten Hollen in’n Noordoosten, Schanzendörp un Giersdörp in’n Oosten, Grasdörp in’n Süüdoosten, Bauerholt un Üserfinien in’n Süden, Üsen un Bössel in’n Süüdwesten un Lindheim un Heinsbarg in’n Noordwesten.
Historie
ännernBi Üserdicken an’n Wittkoppenbarg is von 1964 bet 1966 dat Waterwark von’n Drinkwaterverband Veern anleggt worrn.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Westvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.
De Oort weer von öllers Deel von de Gemeen Üsen. Üsen is an’n 1. Juli 1972 mit de Gemeenreform in Neddersassen Deel von de Gemeen Achem worrn.
Inwahnertall
ännern| Johr | Inwahners |
|---|---|
| 1812[1] | 15 |
| 1848[2] | 27 Lüüd, 5 Hüüs |
| 1. Dezember 1871[3] | 30 Lüüd, 5 Hüüs |
| 1. Dezember 1885[4] | 27 Lüüd, 5 Hüüs |
| 1. Dezember 1905[5] | 27 Lüüd, 5 Hüüs |
Religion
ännernÜserdicken is evangeelsch-luthersch präägt un höört to dat Kaspel von de Laurentius-Kark in Achem.
För de Kathoolschen is de St.-Matthias-Kark in Achem tostännig.
Weertschop un Infrastruktur
ännernFör Üserdicken is de freewillige Füürwehr Üsen mit tostännig.
Verkehr
ännernIn’n Noordwesten an Üserdicken langs löppt de Landsstraat 156, de in’n Noorden na Bassen an de L 168 ran geiht un in’n Süüdwesten na Üsen an de L 158 un von dor wieder na Thänhusen. Von Bassen föhrt de L 168 in’n Noordoosten na Otterbarg un Stuckenbossel un von dor as Bundsstraat 75 wieder na Söttmer un Rodenborg. Von Bassen na Westen föhrt de L 168 över Schaaphusen na Eiten un na de Bremer Oortsdelen Oosterholt un Hemeln. Von de L 156 geiht bi Heinsbarg in’n Oosten de Kreisstraat 5 af, de över Schanzendörp, Giersdörp un Middeldörp na Postdörp an de L 155 löppt.
De nächste Autobahn is de Autobahn 1 (Afsnidd Bremen–Hamborg), de en beten mehr as een Kilometer in’n Noorden an Üserdicken langs löppt. De Opfohrt 52 Eiten liggt aver so söss Kilometer wied weg in’n Noordwesten von Üserdicken an de L 167. Dichter bi is de Opfohrt 24 Achem-Oost op de A 27 (Afsnidd Bremen–Wasra), de blots fiev Kilometer in’n Süden liggt.
De nächste Bahnhoff is so bi söss Kilometer in’n Süüdwesten de Bahnhoff Achem an de Bahnlien Bremen–Wunsdörp. De Bahnhoff Otterbarg an de Bahnlien Hamborg–Bremen liggt söven Kilometer in’n Noordoosten.
Footnoten
ännern- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3