Achthöben
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21756 | |
| Vörwahl: | 04776 | |
| Geograafsche Laag: | Koordinaten:53° 43′ N, 9° 11′ O53° 43′ N, 9° 11′ O | |
|
| ||
Achthöben (hoochdüütsch Achthöfen) is en Oort in de Gemeen Oosten (Samtgemeen Land Hadeln) in’n Landkreis Cuxhoben, Neddersassen.
Geografie
ännernDe Oort liggt in de Masch von de Oost. Dat Water ut dat Rebeed warrt över dat Achthöbener Fleet na de Oost hen afföhrt.
De Naveröörd sünd Schüttdamm un Isensee in’n Noordoosten, Karkoosten mit de Diekreeg in’n Süden, Achthöbenerdiek in’n Süüdwesten, Hemm in’n Westen un Nedderstrekerdiek un Nedderstreek in’n Noordwesten.
Historie
ännernIn Achthöben steiht de Achthöbener Möhl, de noch besteiht, aver vondaag keen Flögels mehr hett.
Verwaltungsgeschicht
ännernAchthöben leeg vör 1852 in dat Gericht Oosten, ut dat 1852 dat Amt Oosten worrn is. 1885 is dat Deel von’n Kreis Neehuus worrn. 1932 is dat an’n Kreis Land Hadeln kamen un denn 1977 Deel von’n Landkreis Cuxhoben worrn.
De Oort hett von öllers bi de Gemeen Olendörp mit bihöört, de an’n 1. Juli 1972 mit de Gemeenreform in Neddersassen Deel von de Gemeen Oosten worrn is.
Inwahnertall
ännern| Johr | Inwahners |
|---|---|
| 1791[1] | 8 Füürsteden |
| 1824[2] | 13 Füürsteden |
| 1. Dezember 1885[3] | 151 Lüüd, 21 Hüüs |
Religion
ännernAchthöben is evangeelsch-luthersch präägt un höört to dat Kaspel von de Petrus-Kark in Oosten.
För de Kathoolschen is de Karkengemeen Hillig Geist in Stood tostännig.
Weertschop un Infrastruktur
ännernFör Achthöben is de freewillige Füürwehr Oosten mit tostännig.
Verkehr
ännernDör Achthöben löppt de Landsstraat 113, de in’n Noordoosten över Nedderstreek na Öberndörp geiht un in’n Süüdoosten na de Bundsstraat 495 un wieder na Grootweurn un Himmelpoorten. De B 495 föhrt in’n Noordoosten na Neeland un Wischhoben un in’n Süüdwesten över Basbeek/Warstood an de B 73 un na Loomst un Bremervöör. Lüttjere Straten föhrt na Achthöbenerdiek un na Isensee.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 33 Kilometer in’n Süüdoosten von Achthöben an de B 73.
De nächste Bahnhoff is so bi söven Kilometer wied weg in’n Süden de Bahnhoff Hemmoor an de Nedderelvbahn twüschen Cuxhoben un Hamborg.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 4
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 4
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155
