Ohrenswohl
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21702 | |
| Vörwahl: | 04166 | |
| Geograafsche Laag: | Koordinaten:53° 23′ N, 9° 28′ O53° 23′ N, 9° 28′ O | |
|
| ||
Ohrenswohl (hoochdüütsch Ahrenswohlde) is en Dörp in de Gemeen Ohlers in’n Landkreis Stood, Neddersassen.
Historie
ännernVör 1885 weer dat Dörp in de Böörd Ohlers binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
In’n Eersten Weltkrieg sünd teihn Soldaten ut Ohrenswohl fullen oder vermisst un in’n Tweten 44[1].
Von 1967 bet to’n 1. Juli 1972 weer de Oort Liddmaat von de Samtgemeen Ohlers. An’n 1. Juli 1972 keem Ohrenswohl mit de Gemeenreform in Neddersassen to de Gemeen Ohlers.
An’n 5. Juli 1988 is en Fleger von’n Typ RF-4E Phantom von dat Aufklärungsgeschwader 52 von de Bundswehr bi Ohrenswohl afstört. De Piloten hebbt sik mit’n Sleudersitz reddt.
Inwahnertall
ännern| Johr | Inwahners |
|---|---|
| 1824[2] | 12 Füürsteden |
| 1848[3] | 145 Lüüd, 25 Hüüs |
| 1. Dezember 1910[4] | 259 |
| 1925[5] | 285 |
| 1933[5] | 301 |
| 1939[5] | 305 |
Religion
ännern
Ohrenswohl is evangeelsch-luthersch präägt un höört to dat Kaspel Ohlers.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
Kultur
ännern
En Denkmaal för de Fullenen ut de twee Weltkrieg’ steiht op’n Karkhoff.
Verenen
ännernDe Freewillige Füürwehr Ohrenswohl is 1935 grünnt worrn.
Weertschop un Infrastruktur
ännernVerkehr
ännernDör Ohrenswohl löppt de Landsstraat 127, de in’n Noordoosten över Obbens na Buxthu an de Bundsstraat 73 föhrt un in’n Süüdwesten na Wangersen un von dor as L 124 wieder na Heeßel un Zeven an de B 71. De L 127 warrt krüüzt von de Kreisstraat 54, de in’n Noordwesten na Ohlers an de L 124 föhrt un in’n Süden na Groot Ippens un Zittens. In’n Oosten föhrt von de L 127 de K 69 na Ohrensmoor-Oost an de K 59.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so ölven Kilometer in’n Süüdoosten von Ohrenswohl an de L 130.
De nächsten Bahnhööv sünd so bi ölven Kilometer wied weg in’n Noorden de Bahnhoff Bargst un de Bahnhoff Harsfeld an de Bahnlien Bremerhoben–Buxthu. De Bahnhoff Zittens an de Bahnlien Hamborg–Bremen liggt twölv Kilometer in’n Süüdoosten.
Ver- un Entsorgung
ännernDat Afwater ut Ohrenswohl warrt över dat Kanaalnett na dat Klärwark Bockholt afföhrt un dor reinigt.
Lüüd
ännernDe Pastoor Heinrich Kröger, de veel över Plattdüütsch in de Kark schreven hett, is in Ohrenswohl boren.
Footnoten
ännern- ↑ http://www.denkmalprojekt.org/dkm_deutschland/ahrenswohlde_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 8: http://books.google.de/books?id=tG0AAAAAcAAJ&pg=PA8
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html
Weblenken
ännern
Bokel | Bookholt | Doosthoff | Hogenhusen | Kokerbeek | Klethen | Kohlenhusen | Lütt Wangersen | Ohlers | Ohrensmoor | Ohrenswohl | Örsdörp | Ottendörp | Wangersen