Alta Vista (Belize)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 369 (2010) | |
| Geograafsche Laag: | Koordinaten:16° 60′ N, 88° 24′ W16° 60′ N, 88° 24′ W | |
|
| ||
Alta Vista is en Gemeen in’n Distrikt Stann Creek von dat Land Belize.
Geografie ännern
Alta Vista liggt in de Oostutlöpers von de Maya-Bargen. In’n Süden von’n Oort flütt de North Stann Creek langs. Schuulrebeden ümto sünd de Mayflower-Bocawina-Natschonaalpark in’n Süden, de Sittee River Forest Reserve in’n Süüdwesten un de Billy-Barquedier-Natschonaalpark un Manatee Forest Reserve in’n Noordwesten.
De Naveröörd sünd Mullins River in’n Noordoosten, Pomona in’n Oosten, Silk Grass in’n Süüdoosten, Cow Creek in’n Süüdwesten un Steadfast Community un Valley Community in’n Westen.
Historie ännern
Inwahnertall ännern
| Johr | Inwahners |
|---|---|
| 2000[1] | 621 Lüüd, 133 Huushollen |
| 2010[2] | 369 Lüüd, 92 Huushollen |
Weertschop un Infrastruktur ännern
In de Ümgegend von Alta Vista (in dat Stann Creek Valley) warrt vör allen Zitrusfrücht anboot un dat Ünnernehmen Citrus Products of Belize bedrifft en Wark in Alta Vista.[3] Dat Wark is 1962 von dat kanaadsche Ünnernehmen Salada Foods boot worrn.[3] 1969 hett Kellogg’s dat Wark övernahmen un 1979 Nestlé.[3] 1990 hett Nestlé dat Wark an lokale Besitters ut Belize verköfft un dat Wark hett de BHI Company billt.[3] 2002 hett de Citrus Growers Association, de al en Wark in Pomona bedreven hett, dat Wark in Alta Vista övernahmen.[3] De beiden Warken hebbt denn tohoop dat Ünnernehmen Citrus Products of Belize billt.[3]
Verkehr ännern
De Oort liggt an’n Hummingbird Highway, de in’n Noordwesten över Armenia na Belmopan an’n George Price Highway föhrt un in’n Süüdoosten över Pomona un Hope Creek na Dangriga. Twüschen Hope Creek un Sarawee geiht von’n Hummingbird Highway de Southern Highway af, de över Dump na Punta Gorda föhrt.
Von 1908 bet 1937 hett dat mit de Stann Creek Railway ok en Bahnlien geven, de von Dangriga bet Middlesex güng un an Alta Vista langslööp.
Footnoten ännern
- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
- ↑ a b c d e f The Citrus Industry of Belize (1913–Present)
Alta Vista | Cowpen | Dangriga | Georgetown | Hope Creek | Hopkins | Hummingbird Community | Independence | Kendall | Long Bank | Maya Beach | Maya Centre | Maya Mopan | Middlesex | Mullins River | Placencia | Pomona | Red Bank | Riversdale | San Juan | San Roman | Santa Cruz | Santa Rosa | Sarawee | Seine Bight | Silk Grass | Sittee River | South Stann Creek | Steadfast | Valley Community