Placencia
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 1.753 (2010) | |
| Geograafsche Laag: | Koordinaten:16° 31′ N, 88° 22′ W16° 31′ N, 88° 22′ W | |
|
| ||
Placencia is en Gemeen in’n Distrikt Stann Creek von dat Land Belize. Dat is en Strandoort an de Küst von de Karibische See.
Geografie ännern
De Oort liggt an de Spitz von de 25 Kilometer lange Landtung, de de Laguun von Placencia von de Karibische See afdeelt. Vör de Küst doot en Reeg Krallenriffs von dat Belize Barrier Reef liggen. De Oostküst von de Landtung hett veel Sandstränn, de Westküst is to en groten Deel Mangrovenholt.
De Naveröörd sünd Seine Bight in’n Noorden, Monkey River Town un Mango Walk in’n Süüdwesten un Independence in’n Westen.
Historie ännern
De Naam Placencia kummt von Punta Placentia, wat de spaansche Naam von de Spitz (punta) von de Landtung weer, op de de Oort liggt. Placentia bedüüdt pleseerlich.
De lüttje Fischeroort hett sik utgangs dat 20. Johrhunnert un anfangs dat 21. Johrhunnert to en Turistenoort utwickelt. Dör de Riffs vör de Küst is de Oort besünners för Duuk- un Snorkelturisten intressant.
An’n 8. Oktober 2001 is de Oort swoor von’n Hurrikan Iris drapen worrn, de en groten Deel von de Gebüüd in Placencia beschädigt hett.
Inwahnertall ännern
| Johr | Inwahners |
|---|---|
| 2000[1] | 458 Lüüd, 138 Huushollen |
| 2010[2] | 1.753 Lüüd, 644 Huushollen |
Kultur ännern
Sport ännern
De Footballvereen Altitude Assassins FC speelt in de eerste Liga von Belize.
Weertschop un Infrastruktur ännern
Verkehr ännern
De eenzige Straat ut Placencia rut föhrt in’n Noorden över Seine Bight un Maya Beach na Riversdale un von dor na Santa Cruz an’n Southern Highway. Dat gifft aver ok en Fährlien na Independence.
De Oort hett ok en egen lütten Flegerplatz, Placencia Airport, de ünner annern von Maya Island Air anflagen warrt.
Footnoten ännern
- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
Weblenken ännern
Alta Vista | Cowpen | Dangriga | Georgetown | Hope Creek | Hopkins | Hummingbird Community | Independence | Kendall | Long Bank | Maya Beach | Maya Centre | Maya Mopan | Middlesex | Mullins River | Placencia | Pomona | Red Bank | Riversdale | San Juan | San Roman | Santa Cruz | Santa Rosa | Sarawee | Seine Bight | Silk Grass | Sittee River | South Stann Creek | Steadfast | Valley Community