Baast
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27446 | |
| Vörwahl: | 04762 | |
| Geograafsche Laag: | Koordinaten:53° 27′ N, 9° 19′ O53° 27′ N, 9° 19′ O | |
|
| ||
Baast (hoochdüütsch Baaste) is en lütten Oort in de Gemeen Farm (Samtgemeen Sürsen) in’n Landkreis Rodenborg, Neddersassen.
Geografie
ännernEn poor hunnert Meter in’n Süden von Baast flütt de Bever langs, in de in’n Oosten von’n Oort von Noorden de Baaster Beek münnt un von Süden de Reither Beek.
De Naveröörd sünd Kutenhult in’n Noorden, Aasp in’n Noordoosten, Brest in’n Oosten, Bredenbeek un Reith in’n Süüdoosten, Farm in’n Süden, Stüh un Malst in’n Süüdwesten, Byhusen in’n Westen un Soors in’n Noordwesten.
Historie
ännernDe Oort bestünn in de eerste Tied blots uten enkelten Hoff.
In de Franzosentied von 1810 bet 1814 hett de Oort to de Mairie Bevern in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to dat Amt Zeven tohöört un is denn bi de Verwaltungsreform in dat Königriek Hannover in dat Amt Bremervöör wesselt. Na 1885 weer dat in’n Kreis Bremervöör. 1977 is dat Deel von’n Landkreis Rodenborg worrn.
De Oort höört von öllers al to de Gemeen Farm mit to.
Inwahnertall
ännern| Johr | Inwahners |
|---|---|
| 1824[1] | 1 Füürsteed |
| 1848[2] | 11 Lüüd, 2 Hüüs |
| 1. Dezember 1871[3] | 21 |
Religion
ännernBaast is evangeelsch-luthersch präägt un höört to dat Kaspel von de Lamberti-Kark in Sürsen.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur
ännernVerkehr
ännernDör Baast löppt de Kreisstraat 109, de in’n Noorden na Soors un denn wieder na Kutenhult geiht un in’n Süden över Farm un Annerlingen na Sürsen. Ans gifft dat en lüttjere Straat na Byhusen.
De nächste Autobahn is de Autobahn 1. De Opfohrt 48 Elsdörp liggt so 29 Kilometer in’n Süden von Baast.
De nächste Bahnhoff is so bi veer Kilometer wied weg in’n Noorden de Bahnhoff Kutenhult an de Bahnlien Bremerhoben–Buxthu.
Footnoten
ännern- ↑ C. H. Jansen: Statistisches Handbuch des Königreichs Hannover. 1824, Sied 32: http://books.google.de/books?id=tG0AAAAAcAAJ&pg=PA32
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144: https://books.google.de/books?id=qTZDAQAAMAAJ&pg=RA2-PA144