Benjamin Harrison

23. Präsident vun de USA

Benjamin Harrison (* 20. August 1833 in North Bend, Ohio; † 13. März 1901 in Indianapolis) weer de 23. Präsident vun de USA van 4. März 1889 bit 3. März 1893.

Benjamin Harrison

Benjamin Harrison weer de Enkelsöhn van de fröhere Präsident William Henry Harrison (1773-1841), in de sien Huus he 1833 boren wurr. Sien Urgrootvader Benjamin Harrison (1726-1791) hett de Unafhängigkeetserklärung mit ünnerschreben un weer ok direkter Nahkommen van de Harrison, de dat Doodsurdeel för Karl I. ünnerschreben hett.

General Harrison hett de School in Cincinnati un later henn de Universität vun Miami in' Bundsstaat Ohio besöcht. Dornah hett he 1853 Carrie Scott, de Dochter van een Prediger heiraat, mit de he twee Kinner harr. 1854 is he nah Indianapolis trucken un harr bold een grooten Avkaatskanzlee. 1862 kreeg de Unionsarmee bi de Sezzionskrieg düchtig een up Mütz un Harrison is denn ok in de Krieg trucken. He gung der woll düchtig drup daal un wurr denn bold van Lieutenant bit nah'n Brigadegeneral befördert.

As de Krieg to Ennen weer is he weer bi de Böverst Gerichtshoff von Indiana anfungen un is 1881 to'n Bundssenator wählt wurrn. 1888 kunn sück Harrison bi de Präsidentschapswahlen tegen Präsident Grover Cleveland dörsetten. Nah veer Johr, hett de aber hüm wedderum bedwungen und is nochmal Präsident wurrn.

Weblenken ännern

  Benjamin Harrison. Mehr Biller, Videos oder Audiodateien to’t Thema gifft dat bi Wikimedia Commons.