Dolores (Belize)

Wapen/Flagg

Koort

Basisdaten

Distrikt: Toledo

Inwahners:

460 (2010-00-002010)

Geograafsche Laag:

Koordinaten:15° 59′ N, 89° 12′ W15° 59′ N, 89° 12′ W

Dolores is en Gemeen in’n Distrikt Toledo von dat Land Belize. In dat Dörp leevt vör allen Maya von dat Volk von de Kekchí.

Geografie

De Oort liggt an’n Hicatee Creek. He is blots een Kilometer von de Grenz na Guatemala af, liekers gifft dat keen offiziellen Weg, de över de Grenz föhrt.

De Naveröörd sünd Otoxha un Corazon in’n Noordoosten, Crique Sarco in’n Oosten, Graham Creek in’n Süüdoosten, Machakilha in’n Süden, Quebrada Seca un Chacalte in’n Westen un Timax in’n Noordwesten.

Historie

Vörgänger von Dolores weer de Oort San Pedro Sarstoon, de en poor Kilometer in’n Süden von Dolores leeg. De Maya in dat Rebeed hebbt op de Plantaaschen von Bernard Cramer arbeidt. 1929/1930 sünd de Lüüd von San Pedro Sarstoon na Dolores tagen. Dorbi is ok de Kark ümtagen, de den Hilligen San Pedro un de Mater Dolorosa (spaansch Virgen de los Dolores) wieht weer. Na de Mater Dolorosa hett de Oort den Naam Dolores kregen.

Inwahnertall

Johr	Inwahners
2000-00-002000^[1]	303 Lüüd, 56 Huushollen
2010-00-002010^[2]	460 Lüüd, 81 Huushollen

Weertschop un Infrastruktur

Verkehr

Von Dolores föhrt in’n Süden en Padd na Machakilha. De eenzige richtige Straat ut Dolores rut geiht in’n Noordoosten över Otoxha na Corazon. Över en Reeg annere Dörper kummt een denn na Jacintoville an’n Southern Highway.

De nächste Flegerplatz is de Punta Gorda Airport in Punta Gorda.

Footnoten

↑ Zensus 2000 (PDF) von dat Central Statistical Office of Belize
↑ Zensus 2010 (PDF) von dat Statistical Institute of Belize

Gemenen von’n Distrikt Toledo in Belize

De Artikel „Dolores (Belize)“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

[ZensusBelize2000-1] Zensus 2000 (PDF) von dat Central Statistical Office of Belize

[ZensusBelize2010-2] Zensus 2010 (PDF) von dat Statistical Institute of Belize

[1]

[2]