Loh (Gemeen Beverst)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27616 | |
| Vörwahl: | 04747 | |
| Geograafsche Laag: | Koordinaten:53° 28′ N, 8° 48′ O53° 28′ N, 8° 48′ O | |
|
| ||
Loh (hoochdüütsch Lohe) is en Dörp in de Gemeen Beverst in’n Landkreis Cuxhoben, Neddersassen.
Geografie
ännernEen Kilometer in’n Noordwesten von Loh liggt de Bülter See in dat Naturschuulrebeed Bülter See un Randmooren. In’n Noorden liggt dat Naturschuulrebeed Sülversee un Laaschmoor.
De Naveröörd sünd Wehdel in’n Noorden, Geestenseth in’n Noordoosten, Wolljes in’n Oosten, Appeln un Oosterndörp in’n Süüdoosten, Wehldörp un Beverst in’n Süden, Dohren un Luunst in’n Süüdwesten, Heerst un Stinst in’n Westen un Donnern un Sellst in’n Noordwesten.
Historie
ännernNa en swoor Unweder üm Pingsten rüm, hebbt se in Loh anfungen, düssen Dag as Loffdag to fiern. Siet de Johren 1950 is düsse Dag mit’n Heerster Branddag to’n Brand- un Loffdag tohoopleggt.
In’n Tweten Weltkrieg sünd twee Soldaten ut Loh fullen oder vermisst[1].
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Beverst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1851 to dat Gericht Beverst tohöört, von 1851 bet 1859 to dat Amt Beverst un denn bet 1885 to dat Amt Leh. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
De Oort is an’n 1. April 1929 tohoop mit Dohren Deel von de Gemeen Heerst worrn. För disse dree Öörd staht vondaag ok de dree Runen in’t Wapen von Heerst. An’n 1. November 2011 is de Gemeen Heerst denn Deel von de Gemeen Beverst worrn.
Inwahnertall
ännern| Johr | Inwahners |
|---|---|
| 1812[2] | 46 |
| 1824[3] | 9 Füürsteden |
| 1848[4] | 63 Lüüd, 10 Hüüs |
| 1. Dezember 1910[5] | 65 |
Religion
ännernLoh is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.
För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.
Weertschop un Infrastruktur
ännernVerkehr
ännernLoh liggt an de lüttje Straat twüschen Heerst un Wolljes. In Heerst geiht disse Straat an de Bundsstraat 71, de in’n Noordwesten över Bexhöv na de Bundsautobahn 27 bi Bremerhoben geiht un in’n Süüdoosten na Beverst un bi Basdaal na de Bundsstraat 74. In Wolljes geiht de Straat an de Landsstraat 128, de in’n Süden in Beverst na de B 71 föhrt un in’n Noorden över Geestenseth un Köhlen na Beers. En lüttjere Straat gifft dat ans noch na Wehdel.
De nächste Autobahn is de Autobahn 27. De Opfohrt Wulsdörp liggt so twölv Kilometer in’n Oosten von Loh.
In Tokumst schall so bi een Kilometer in’n Süden von Loh de Bundsautobahn 20 langslopen. De nächste Opfohrt is denn bi Dohren twüschen Heerst un Beverst an de B 71, wat so bi veer Kilometer weg is.
De nächste Bahnhoff is de Bahnhoff Lox an de Bahnlien Bremen-Bremerhoben so bi teihn Kilometer wied weg in’n Oosten.
Footnoten
ännern- ↑ http://www.denkmalprojekt.org/2008/heerstedt-lohe_frdh_eg_wk2_ns.htm
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 102: http://books.google.de/books?id=Q 5OAAAAcAAJ&pg=PA102
- ↑ C. H. Jansen: Statistisches Handbuch des Königreichs Hannover. 1824, Sied 380: http://books.google.de/books?id=tG0AAAAAcAAJ&pg=PA380
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 149: http://books.google.de/books?id=eOI-AAAAcAAJ&pg=PA149
- ↑ http://www.gemeindeverzeichnis.de/gem1900/gem1900.htm?hannover/geestemuende.htm