Hauptmenü öffnen
Wapen/Flagg Koort

Wapen vun Hahnenknoop

Hahnenknoop
Laag vun Hahnenknoop in Düütschland
Basisdaten
Bundsland: Neddersassen
Landkreis: Cuxhoben
Gemeen: Lox
Flach: 5,501 km²
Inwahners:
Postleettall: 27612
Vörwahl: 04744
Geograafsche Laag:
Koordinaten:53° 25′ N, 8° 38′ O
53° 25′ N, 8° 38′ O
WerserWerserWerserDeesdorpEidewardenWiemsdörpMaihusenOverwarfÜterlannDonnernBexhövLoxStinst (Gemeen Loxst)Düring (Landkreis Cuxhoben)HetthornNess (Landkreis Cuxhoben)LanhusenFleest (Landkreis Cuxhoben)Holt (Gemeen Lox)HahnenknoopBüttel (Landkreis Cuxhoben)NeenlannSwegenSwegen-LangendammsmoorSwegenStotelNeenlannSwegenLuunplaatLandwördenLandwördenLandwördenLandwördenLuunLuunWulsdörpFischereehaven (Bremerhoben)BremerhobenLandwördenGackauDreptDreptGemeen Hagen (Landkreis Cuxhoben)Gemeen Hagen (Landkreis Cuxhoben)Gemeen Hagen (Landkreis Cuxhoben)Gemeen BeverstGemeen BeverstGemeen SchippdörpNordenhamStadlandGemeen BeverstGemeen BeverstGemeen Schippdörp
Laag von Hahnenknoop in de Gemeen Lox (Koort lett sik anklicken)

Hahnenknoop is en Dörp in de Gemeen Lox in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.

Bi Hahnenknoop höört von öllers ok Drostendamm mit bi.

GeografieÄnnern

Hahnenknoop is so bi dree Kilometer von de Luun af un liggt bi’t Hahnenknooper Holt un dat Hahnenknooper Moor, wat ünner Naturschuul steiht. Üm dat Water ut dat Moor aftoleiden is in’t 19. Johrhunnert de Hahnenknoop-Hetthorner Moorkanaal anleggt worrn.

De Naveröörd sünd Ness un Lox in’n Noorden, Düring un Freeschluunbarg in’n Noordoosten, Hollen in’n Oosten, Wittst in’n Süüdoosten, Driftseth in’n Süden, Langendammsmoor in’n Süüdwesten un Stotel in’n Noordwesten.

HistorieÄnnern

1718 weer Hahnenknoop man en enkelten Hoff. Eerst 1794 hebbt se den Oort as Moorkolonie utboot un dat Dörp hett mehr Inwahners kregen. In de Midd von dat 19. Johrhunnert is denn noch de Drostendamm as Oortsdeel tokamen.

VerwaltungsgeschichtÄnnern

De Oort hett vör 1885 to de Böörd Braamst in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

1968 is de Gemeen Hahnenknoop Deel von de Gemeen Stotel worrn. Tohoop mit Stotel is Hahnenknoop denn an’n 1. März 1974 mit de Gemeenreform in Neddersassen Deel von de Gemeen Lox worrn.

In’n Eersten Weltkrieg sünd teihn Soldaten ut Hahnenknoop fullen oder vermisst, un in’n Tweten 25[1].

InwahnertallÄnnern

Johr Inwahners
1824-00-001824[2] 3 Füürsteden
1848-00-001848[3] 78 Lüüd. 15 Hüüs
1910-12-011. Dezember 1910[4] 262
1925-00-001925[5] 324
1933-00-001933[5] 269
1939-00-001939[5] 268
2010-08-3131. August 2010 256

ReligionÄnnern

Hahnenknoop is evangeelsch-luthersch präägt un höört to dat Kaspel von de Margarethen-Kark in Stotel.

För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.

De Karkhoff Hahnenknoop liggt in de Straat An’t Denkmaal.

WapenÄnnern

Dat Wapen von Hahnenknoop wiest op sülvern Grund un grönen Schildfoot en Auerhahn mit gollen Fööt un Snavel un rode Roos.

OortsvörsteihersÄnnern

  • 1996-: Klaus Birger Otten
  • opstuuns (Stand 2018): Thomas Thier (CDU)

KulturÄnnern

In Hahnenknoop op’n Karkhoff steiht en Denkmaal för de Fullenen ut de twee Weltkrieg’.

VerenenÄnnern

De Schützenvereen Hahnenknoop is 1920 grünnt worrn.

Weertschop un InfrastrukturÄnnern

Hahnenknoop hett en egene freewillige Füürwehr.

VerkehrÄnnern

Hahnenknoop liggt an de Landsstraat 135 (de fröher Deel von de Bundsstraat 6 weer), de in’n Noordwesten na Stotel un Bremerhoben löppt. An de L 135, so fiev Kilometer weg, liggt ok de Opfohrt 10 Bremerhoben-Süüd op de Autobahn 27. In’n Süüdoosten geiht de L 135 na Hagen un Braamst. In’n Süden gaht von de L 135 noch de Kreisstraat 54 na Langendammsmoor un de K 45 na Wittst af.

De nächsten Bahnhööv sünd de Bahnhööv Lox un Luunst an de Bahnlien Bremen-Bremerhoben.

LüüdÄnnern

De Politiker Friedrich Vogel is 1929 in Hahnenknoop boren.

FootnotenÄnnern

WeblenkenÄnnern

  Hahnenknoop. Mehr Biller, Videos oder Audiodateien to’t Thema gifft dat bi Wikimedia Commons.