Gemeen Grasbarg

Grasbarg (hoochdüütsch Grasberg) is en Gemeen in’n Landkreis Oosterholt in Neddersassen mit 8004 Inwahners (Stand 31. Dezember 2022).

Wapen/Flagg

Koort

Basisdaten

Bundsland: Neddersassen

Landkreis: Oosterholt

Flach:

55,54 km²

Inwahners:

8004 (31. Dezember 2022)

5 m över de See

28879

04208

Koordinaten:53° 11′ N, 8° 59′ O53° 11′ N, 8° 59′ O

Grenzen bi OSM:

446869

Gemeenslötel:

03 3 56 002

Öörd in de Gemeen:

17

Börgermeester:

Marion Schorfmann (CDU)

Websteed:

www.grasberg.de

Koort

Kreis

Blangen den Hauptoort Grasbarg höört bi de Gemeen ok noch en ganze Reeg Dörper ümto mit bi.

Geografie

De Navergemenen sünd Leendaal in’n Westen, Worpsweed in’n Noordwesten, Tarmst in’n Noordoosten, Wilst un Vörwark in’n Oosten un Otterbarg in’n Süden.

Historie

1968 hebbt sik de Gemenen Eekdorp, Wörpdörp un Grasbarg to de ne’e un gröttere Gemeen Grasbarg tohoopslaten.

De hüdige Gemeen Grasbarg is denn an’n 1. März 1974 ut de olen Gemenen Adelsdorp, Dannenbarg (mit Meinershusen un Wienkoopsmoor), Grasbarg, Huxfeld (mit Middelsmoor), Ottersteen, Rutendorp, Smalenbeek, Seehusen un Tüschendorp un dat Dörp Grasdörp ut de Gemeen Heidbarg tohoopleggt worrn. An’n 1. Juli 1976 is Wilstermoor, wat vörher en Deel von de Gemeen Wilst weer, Deel von de Gemeen Grasbarg worrn. Wilstermoor harr to de Tied knapp 50 Inwahners. 1983 is denn ok noch Tarmstermoor ut de Gemeen Tarmst Deel von de Gemeen Grasbarg worrn.

Inwahnertall

Johr	Inwahners
1987-12-3131. Dezember 1987^[1]	6.276
1992-12-3131. Dezember 1992^[1]	6.582
1997-12-3131. Dezember 1997^[1]	7.205
2002-12-3131. Dezember 2002^[1]	7.708
2007-12-3131. Dezember 2007^[1]	7.681
2012-12-3131. Dezember 2012^[1]	7.535

Politik

Gemeenraad

Gemeenraad
Johr \ Partei	Tall	CDU	SPD	UWG
2006	20	12	6	2
2011	20	12	6	2

De Tallen för de aktuellste Wahl (2016) fehlt in disse List noch. Du kannst mithelpen un jem indragen!

Liddmaten

2011:
As Börgermeester: Marion Schorfmann

CDU: Joachim Bauer, Werner Blancken, Sonja Deiter (bi de Wahl noch mit ehren Deernsnaam Sonja Herrmann wählt), Kai Entelmann, Klaus Feldmann, Michael Frerks, Manfred Grotheer, Benedikt Hagens (bet 2014, för em is Stefan Blancken narückt), Silke Paar, Axel Schloo, Florian Schnaars, Heinz Warnken

SPD: Hermann Bohling, Anke Kämna (bet 2013, för ehr is Karl-Heinz Thimm narückt), Heiner Peper, Klaus-Jörg Plöger, Arne Rahlf (bet 2014, för em is Rainer Gimbel narückt), Elke Schnakenberg

UWG: Jürgen Backhaus, Bogislaw Miescke

Börgermeesters

Tied	Naam	Partei
1974-2006	Heinrich Blanke	CDU
2006-	Marion Schorfmann	CDU

Gemeendirekters

Tied	Naam
–	Georg Monsees

Wapen un Flagg

Dat Wapen von de Gemeen wiest op sülvern Grund en grönen Barg mit en sülvern Wellenlien as Schildfoot. Op’n Barg steiht en rode Kark mit en gollen Krüüz op. Ümto twee gröne Ekenbläder.

Partnerschoppen

De Gemeen hett en Partnerschop mit Szamocin in Polen (siet 1999). De Partnerschop mit de Kommun Suså in Däänmark, de 1989 anfungen hett, is 2006 toenn gahn, nadem de Kommun Suså Deel von de gröttere Kommun Næstved worrn is. De Gemeen Grasbarg un de Kommun Næstved weren to verscheden in de Grött üm de Partnerschop wiedertoföhren.