Hütthoff

Oort in’n Landkreis Rodenborg (Wümm), Neddersassen
Wapen/Flagg Koort
hett keen Wapen
Hütthoff
Laag vun Hütthoff in Düütschland
Basisdaten
Bundsland: Neddersassen
Landkreis: Rodenborg
Gemeen: Visselhöövd
Inwahners:
Postleettall: 27374
Vörwahl: 04262
Geograafsche Laag:
Koordinaten:53° 2′ N, 9° 33′ O
53° 2′ N, 9° 33′ O

Karte

Hütthoff (hoochdüütsch Hütthof) is en lütten Oort in de Gemeen Visselhöövd in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Roosbrook.

Geografie ännern

Dat Water ut dat Rebeed flütt över de Rodau un den Visselbeek af.

De Naveröörd sünd Bellen, Roosbrook un Moordörp in’n Noordoosten, Hartböhn un Rutenmöhl in’n Oosten, Hiddingen un Schwitschen in’n Süüdoosten, Bookholt un Wööstenhoff in’n Süden, Wittörp in’n Süüdwesten un Riekenbossel, Bootel, Bretel un Nee-Bretel in’n Noordwesten.

Historie ännern

Hütthoff kummt an’n 6. November 1582 as Hütthove toeerst in de Oorkunnen vör. Wohrschienlich kummt de Naam von’n Oort von en Iesenhütt, denn in de Ümgegend is fröher ut Raseniesensteen Iesen maakt worrn.

Verwaltungsgeschicht ännern

In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort weer fröher Deel von de Buurschop Bookholt. Siet dat 19. Johrhunnert hett de Oort denn tohoop mit Roosbrook de Gemeen Roosbrook billt, de an’n 1. März 1974 mit de Gemeenreform in Neddersassen Deel von de Gemeen Visselhöövd worrn is. Sietdem höört Hütthoff binnen de Gemeen to de Oortschop Roosbrook.

Inwahnertall ännern

Johr Inwahners
1791-00-001791[1] 3 Füürsteden
1812-00-001812[2] 27
1824-00-001824[3] 3 Füürsteden
1848-00-001848[4] 32 Lüüd, 3 Hüüs
1871-12-011. Dezember 1871[5] 34 Lüüd, 4 Hüüs
1885-12-011. Dezember 1885[6] 38 Lüüd, 4 Hüüs
1905-12-011. Dezember 1905[7] 38 Lüüd, 5 Hüüs

Religion ännern

Hütthoff is evangeelsch-luthersch präägt un höört to dat Kaspel von de Johannis-Kark in Visselhöövd.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Kultur ännern

In Hütthoff liggt siet 1994 dat Theater Metronom mit över 100 Plätz.

Weertschop un Infrastruktur ännern

För Hütthoff is de freewillige Füürwehr Bookholt mit tostännig.

Verkehr ännern

Dör Hütthoff löppt de Kreisstraat 210, de in’n Noorden över Roosbrook un Bellen na Brookel an de Bundsstraat 71 ran geiht un in’n Süden na Bookholt un bi Visselhöövd an de B 440. De B 440 föhrt in’n Noordwesten över Wittörp na Rodenborg un in’n Süüdoosten na Visselhöövd un Derpmark.

De nächste Autobahn is de Autobahn 27 (Afsnidd HamborgBremen). De Opfohrt 27 Wasra-West liggt so 23 Kilometer in’n Süden von Hütthoff an de B 209.

De nächste Bahnhoff is so bi söven Kilometer wied weg in’n Süden de Bahnhoff Visselhöövd an de Bahnlien Ülzen–Langwedel.

Scholen ännern

De Kinner ut Hütthoff sünd fröher in Bookholt na de Volksschool gahn. Vondaag gaht se na de Grundschool Visselhöövd.

Footnoten ännern

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 118
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 308
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 151