Hagen (Gemeen Langwedel)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27299 | |
| Vörwahl: | 04235 | |
| Geograafsche Laag: | Koordinaten:52° 59′ N, 9° 7′ O52° 59′ N, 9° 7′ O | |
|
| ||
Hagen (hoochdüütsch Hagen) is en lütt Dörp in de Gemeen Langwedel in’n Landkreis Veern, Neddersassen. Binnen de Gemeen höört de Oort to Hagen-Grinnen un to de polietsche Oortschop Ädelsen.
Geografie
ännernDe Oort liggt in de Masch twüschen de Werser un de Ole Aller. Dicht an’n Oort löppt vondaag de Slüsenkanaal Langwedel langs.
De Naveröörd sünd Ädelsen un Koppeln in’n Noorden, Wiepelnbusch un Launborg in’n Noordoosten, Cluvenhagen in’n Oosten, Fössen un Olenhude in’n Süüdoosten, Meierwiede, Heemhude un Schogrinnen in’n Süüdwesten, Grinnen in’n Westen un Bauen in’n Noordwesten.
Historie
ännernIn Hagen hett dat von dat 12. bet 14. Johrhunnert de Borg Hagen geven, de ok Seet von de Familie von der Hagen weer. De Familie is later utstorven.
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Hagen-Grinnen in’n Kanton Achem höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Bauen in’n Kanton Achem.
De Oort hett vör 1852 to de Oostvaagdie von dat Gogericht Achem tohöört, dat 1852 denn to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.
De Oort höört von öllers to de Buurschop un later de Gemeen Hagen-Grinnen mit bi. De Gemeen Hagen-Grinnen is an’n 1. Juli 1968 Deel von de Gemeen Ädelsen worrn, de an’n 1. Juli 1972 mit de Gemeenreform in Neddersassen Deel von de Gemeen Langwedel worrn is. Sietdem höört Hagen binnen de Gemeen to de Oortschop Ädelsen, de en egen Oortsraad un Oortsbörgermeester hett.
Inwahnertall
ännern| Johr | Inwahners |
|---|---|
| 1791[1] | 10 Füürsteden |
| 1812[2] | 107 |
| 1824[3] | 10 Füürsteden |
| 1848[4] | 98 Lüüd, 13 Hüüs |
| 1. Dezember 1871[5] | 80 Lüüd, 12 Hüüs |
| 1. Dezember 1885[6] | 95 Lüüd, 12 Hüüs |
| 1. Dezember 1905[7] | 98 Lüüd, 16 Hüüs |
Religion
ännernHagen is evangeelsch-luthersch präägt un höört to dat Kaspel von de Kark to’n goden Heer in Ädelsen. Düsse Kark is 1965 trech worrn. Vörher hett de Oort deelwies to dat Kaspel von de Sigismund-Kark in Dauben tohöört un deelwies to dat Kaspel von de Cosmas-un-Damian-Kark in Lunsen.
För de Kathoolschen is de St.-Josef-Kark in Veern tostännig.
Kultur
ännernFör dat Dörp sett sik de Dörpvereen Ädelsen–Cluvenhagen–Hagen-Grinnen in, de sik an’n 12. Dezember 1991 grünnt hett.
Weertschop un Infrastruktur
ännernFör Hagen is de freewillige Füürwehr Cluvenhagen mit tostännig.
Verkehr
ännernVon Hagen geiht de Kreisstraat 7 in’n Noorden na Ädelsen an de Landsstraat 158, de in’n Noordwesten över Bauen na Achem un na Bremen rin föhrt un in’n Süüdoosten över Cluvenhagen un Dauben na Langwedel un in Daulsen na de Bundsstraat 215.
De nächste Autobahn is de Autobahn 27 (Afsnidd Bremen–Wasra). De Opfohrt 24b Langwedel liggt so söven Kilometer in’n Noordoosten von Hagen an de K 9.
De nächste Bahnhoff is so bi dree Kilometer wied weg in’n Noorden de Bahnhoff Ädelsen an de Bahnlien Wunsdörp–Bremen.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 92
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 234
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3
