Heesdörp (Jeem)
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04286 | |
| Geograafsche Laag: | Koordinaten:53° 12′ N, 9° 21′ O53° 12′ N, 9° 21′ O | |
|
| ||
Heesdörp (hoochdüütsch Hesedorf) is en Dörp in de Gemeen Jeem (Samtgemeen Zeven) in’n Landkreis Rodenborg, Neddersassen.
Geografie ännern
De Meh-Au hett ehren Born in’n Süüdoosten von Heesdörp un flütt in en groten Bagen in en Afstand von üm un bi een Kilometer üm Heesdörp rüm. In’n Westen hett de Wiest ehren Born. Direkt an’n Oort slütt ok dat 25 Hektar grote Heesdörper Holt an, wat en Bökenholt is.
De Naveröörd sünd Elsdörp in’n Noorden, Badenhorst un Bockhorst in’n Noordoosten, Abbendörp in’n Oosten, Langenhörn in’n Süüdoosten, Borchel mit’n Borchelhoff in’n Süden, Mulmshoorn in’n Süüdwesten, Bokel in’n Westen un Jeem un Borg Elsdörp mit Borgwall in’n Noordwesten.
Historie ännern
De Oort kummt toeerst 1384 in en Göderregister von de Bremer Doomkark vör.
In’n Eersten Weltkrieg sünd 17 Soldaten ut Heesdörp fullen oder vermisst un in’n Tweten Weltkrieg 29.[1]
1966 hett dat Dörp bi’n Weddstried Uns Dörp schall schöner warrn en 1. Platz maakt.
Verwaltungsgeschicht ännern
In de Franzosentied von 1810 bet 1814 hett de Oort to de Mairie Jeem in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1740 to dat Gericht Jeem höört un is denn Deel von de Amtsvaagdie Scheeßl worrn. Bet 1885 hett Heesdörp to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.
De Oort hett fröher tohoop mit Abbendörp en Buurschop billt, is aver in dat 19. Johrhunnert en egen Gemeen worrn, de an’n 1. März 1974 mit de Gemeenreform in Neddersassen Deel von de Gemeen Jeem worrn is.
Inwahnertall ännern
| Johr | Inwahners |
|---|---|
| 1793[2] | 13 Füürsteden |
| 1812[3] | 95 |
| 1824[4] | 16 Füürsteden |
| 1848[5] | 135 Lüüd, 22 Hüüs |
| 1. Dezember 1871[6] | 197 Lüüd, 35 Hüüs |
| 1. Dezember 1910[7] | 290 |
| 1925[8] | 346 |
| 1933[8] | 352 |
| 1939[8] | 333 |
| 1. März 1974 | 710 |
Religion ännern
Heesdörp is evangeelsch-luthersch präägt un höört to dat Kaspel von de Margarethenkark in Jeem.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Wapen ännern
Dat Wapen von Heesdörp is an’n 26. Juni 1958 inföhrt worrn. Dat Wapen wiest op gollen Grund dree gröne Machannelbüsch, de ut en grönen Schildfoot wasst, op den krüüzt twee gollen Hacken to sehn sünd.
Kultur ännern
En Denkmaal för de Fullenen ut de twee Weltkrieg’ steiht in Heesdörp op’n Karkhoff.
Verenen ännern
Heesdörp hett en Schüttenvereen, de 1914 grünnt worrn is. De Heimatvereen is an’n 9. Dezember 1994 grünnt worrn un de FC Heesdörp 1963.
Weertschop un Infrastruktur ännern
Heesdörp hett en egene freewillige Füürwehr, de kort na’n Tweten Weltkrieg grünnt worrn is. Vörher harr dat en Plichtfüürwehr geven.
Elektrischen Stroom hett de Oort 1922 kregen.
Verkehr ännern
Dör Heesdörp löppt de Kreisstraat 141, de in’n Noordwesten na Jeem un Wehldörp an de Bundsstraat 71 ran geiht un in’n Oosten na Abbendörp an de Landsstraat 131 ran. De L 131 löppt in’n Noordosten na Elsdörp un in’n Süüdoosten na Scheeßl an de Bundsstraat 75. De B 71 löppt in’n Noordwesten över Zeven un Sürsen na Bremervöör un in’n Süüdoosten na Rodenborg. En lüttjere Straat gifft dat ans noch na Mulmshoorn an de B 71.
De nächste Autobahn is de Autobahn 1. De Opfohrt 48 Elsdörp liggt so fiev Kilometer in’n Noorden von Heesdörp.
De nächste Bahnhoff is so bi twölv Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichtbi ok en Bahnhoff an de Bahnlien Bremervöör–Wasra geven. Dat weer de Bahnhoff Jeem an’n Oortsrand von Heesdörp in’n Noordwesten hen na Jeem. Personenverkehr hett dat dor von 1906 bet 1968 geven.
Freetied ännern
Dat Freebad in Heesdörp is 1966 anleggt worrn.
Scholen ännern
De eerste School in Heesdörp is 1793 inricht worrn. Vondaag hett de Oort blots noch en Kinnerspeelkreis. De Kinner ut Heesdörp gaht vondaag op de Grundschool Elsdörp.
Mit dat Schoolzentrum Jeem liggt en School för Olenpleeg, Ergotherapie un Physiotherapie glieks an’n Oortsrand hen na Jeem.
Literatur ännern
- Johann Fahjen: Dorfchronik [Gyhum-]Hesedorf. Ein geschichtlicher Abriß von der Steinzeit bis heute. Heesdörp 1991
Footnoten ännern
- ↑ http://www.denkmalprojekt.org/2012/hesedorf_gem-gyhum_lk-rothenburg_wk1_wk2_ns.html
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 105: https://books.google.de/books?id=jN5QAAAAcAAJ&pg=RA1-PA105
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98: http://books.google.de/books?id=Q 5OAAAAcAAJ&pg=PA98
- ↑ C. H. Jansen: Statistisches Handbuch des Königreichs Hannover. 1824, Sied 258: http://books.google.de/books?id=tG0AAAAAcAAJ&pg=PA258
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 152: http://books.google.de/books?id=eOI-AAAAcAAJ&pg=PA152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
- ↑ http://www.gemeindeverzeichnis.de/gem1900/gem1900.htm?hannover/zeven.htm
- ↑ a b c http://www.verwaltungsgeschichte.de/bremervoerde.html
Weblenken ännern
- Websteed över dat Dörp (hoochdüütsch)
- Websteed von’n Heimatvereen Heesdörp (hoochdüütsch)
