Mulmshoorn

Wapen/Flagg

Koort

Basisdaten

Bundsland: Neddersassen

27356

04268

Koordinaten:53° 10′ N, 9° 17′ O53° 10′ N, 9° 17′ O

Mulmshoorn (hoochdüütsch Mulmshorn) is en Dörp un Oortschop in de Gemeen Rodenborg in’n Landkreis Rodenborg, Neddersassen.

Geografie

In’n Noorden von Mulmshoorn liggt dat Naturschuulrebeed Glindmoor.

De Naveröörd sünd Bokel in’n Noorden, Heesdörp in’n Noordoosten, Langenhörn un Westerholt in’n Oosten, Borchel, Stellmoor un Boitzen in’n Süüdoosten, Höperhöben in’n Süden un Sleßel mit Platenhoff un Bittst in’n Süüdwesten, Clünner un Horß in’n Westen un Narbn in’n Noordwesten.

Historie

De Oort kummt 1320 as in ollerdeshorn toeerst in de Oorkunnen vör.^[1] Över de Twüschenform tom ulmes Horn hett sik dor denn de hüdige Naam ut billt.

Verwaltungsgeschicht

In de Franzosentied von 1810 bet 1814 hett de Oort to de Mairie Jeem in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Söttmer in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en, grötteren Landkreis Rodenborg worrn.

De Oort is an’n 1. März 1974 mit de Gemeenreform in Neddersassen Deel von de Gemeen Rodenborg worrn. Sietdem billt dat Dörp en Oortschop mit egen Oortsraad un Oortsbörgermeester binnen de Gemeen Rodenborg. De Oortsraad hett negen Liddmaten.

Inwahnertall

Johr	Inwahners
1793-00-001793^[2]	10 Füürsteden
1812-00-001812^[3]	98
1824-00-001824^[4]	14 Füürsteden
1848-00-001848^[5]	120 Lüüd, 18 Hüüs
1871-12-011. Dezember 1871^[6]	136 Lüüd, 24 Hüüs
1910-12-011. Dezember 1910^[7]	167
1925-00-001925^[8]	354
1933-00-001933^[8]	306
1939-00-001939^[8]	419

Religion

Mulmshoorn is evangeelsch-luthersch präägt un höört to dat Kaspel von de Johannes-de-Döper-Kark in Horß. De Kark is 1963 boot worrn un is siet 1989 en egenstännige Karkengemeen. Vörher hett de Oort to dat Kaspel von de Georg-Kark in Söttmer höört.

För de Kathoolschen is de Corpus-Christi-Kark in Rodenborg tostännig.

Oortsbörgermeesters

opstunns: Mattina Berg

Kultur

Verenen

De Schüttenvereen Mulmshoorn is an’n 8. Juni 1912 grünnt worrn.

Weertschop un Infrastruktur

Mulmshoorn hett en egene freewillige Füürwehr, de an’n 2. November 1935 grünnt worrn is.

Verkehr

Dör Mulmshoorn löppt de Bundsstraat 71, de in’n Noordwesten över Bokel, Wehldörp un Brüttendörp na Zeven, Sürsen un Bremervöör geiht un in’n Süüdoosten na Rodenborg. In’n Westen geiht de Kreisstraat 227 na Horß. Ans gifft dat lüttjere Straten na Narbn, Sleßel, Höperhöben un Heesdörp.

De nächste Autobahn is de Autobahn 1. De Opfohrt 48 Bokel liggt so twee Kilometer in’n Noorden von Mulmshoorn.

De nächste Bahnhoff is so bi teihn Kilometer wied weg in’n Süüdoosten de Bahnhoff Rodenborg an de Bahnlien Hamborg–Bremen. Fröher harr Mulmshoorn ok en egen Bahnhoff an de Bahnlien Bremervöör–Wasra. Personenverkehr hett dat dor von 1906 bet 1968 geven.

Footnoten

↑ http://www.landschaftsverband-stade.de/faltblatt08.html
↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 159: https://books.google.de/books?id=jN5QAAAAcAAJ&pg=PA159
↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98: http://books.google.de/books?id=Q 5OAAAAcAAJ&pg=PA98
↑ C. H. Jansen: Statistisches Handbuch des Königreichs Hannover. 1824, Sied 420: http://books.google.de/books?id=tG0AAAAAcAAJ&pg=PA420
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 154: http://books.google.de/books?id=eOI-AAAAcAAJ&pg=PA154
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168: https://books.google.de/books?id=qTZDAQAAMAAJ&pg=RA2-PA168
↑ http://www.gemeindeverzeichnis.de/gem1900/gem1900.htm?hannover/rotenburg.htm
↑ ^a ^b ^c http://www.verwaltungsgeschichte.de/rotenburg.html

Weblenken

Websteed över dat Dörp (hoochdüütsch)

Oortschoppen von de Stadt Rodenborg

Borchel (mit Stellmoor un Borchelhoff) | Mulmshoorn | Rodenborg (mit Luhn un Grafel) | Ünnerst | Waaschen

[1] ttp://www.landschaftsverband-stade.de/faltblatt08.html

[InwahnertallRef1-2] Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 159: https://books.google.de/books?id=jN5QAAAAcAAJ&pg=PA159

[InwahnertallRef2-3] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98: http://books.google.de/books?id=Q 5OAAAAcAAJ&pg=PA98

[InwahnertallRef3-4] C. H. Jansen: Statistisches Handbuch des Königreichs Hannover. 1824, Sied 420: http://books.google.de/books?id=tG0AAAAAcAAJ&pg=PA420

[InwahnertallRef4-5] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 154: http://books.google.de/books?id=eOI-AAAAcAAJ&pg=PA154

[InwahnertallRef5-6] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168: https://books.google.de/books?id=qTZDAQAAMAAJ&pg=RA2-PA168

[InwahnertallRef6-7] ttp://www.gemeindeverzeichnis.de/gem1900/gem1900.htm?hannover/rotenburg.htm

[verwg.de-8] ttp://www.verwaltungsgeschichte.de/rotenburg.html

[1]

[2]

[3]

[4]

[5]

[6]

[7]

[8]