Hemelingbossel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27449 | |
| Vörwahl: | 04762 | |
| Geograafsche Laag: | Koordinaten:53° 28′ N, 9° 15′ O53° 28′ N, 9° 15′ O | |
|
| ||
Hemelingbossel (hoochdüütsch Hemelingbostel) is en lütten Oort in de Gemeen Kutenhult (Samtgemeen Freenbeek) in’n Landkreis Stood, Neddersassen. De Oort höört polietsch al von öllers bi Kutenhult mit bi.
Geografie ännern
Hemelingbossel liggt op de Stoder Geest. Na Oosten hen liggt dat Wiedenbrooksmoor. In’n Süden un Süüdwesten doot de Forsten Stüh un Beverner Holt liggen.
De Naveröörd sünd Hogenmoor, Tinst un Tinsterholt in’n Noorden, Eßel in’n Noordoosten, Kutenhult un Soors in’n Oosten, Byhusen in’n Süüdoosten, Bevern in’n Süüdwesten un Heesdörp un Sprakel in’n Westen.
Historie ännern
Verwaltungsgeschicht ännern
In de Franzosentied von 1810 bet 1814 hett de Oort to de Mairie Mulsen in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
Vör 1852 weer de Oort in de Böörd Mulsen binnen dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
Inwahnertall ännern
| Johr | Inwahners |
|---|---|
| 1793[1] | 1 Füürsteed |
| 1824[2] | 1 Füürsteed |
| 1. Dezember 1871[3] | 20 Lüüd, 3 Hüüs |
Religion ännern
Hemelingbossel is evangeelsch-luthersch präägt un höört to dat Kaspel von de Petrus-Kark in Mulsen.
För de Kathoolschen is de Hillig-Geist-Kark in Stood tostännig. Von 1968 bet 2003 weer de Lukas-Kark in Freenbeek för Hemelingbossel tostännig.
Weertschop un Infrastruktur ännern
Verkehr ännern
Hemelingbossel liggt an en Blangenstraat von de Landsstraat 123, de in’n Westen över Heesdörp na Bremervöör an de Bundsstraat 71 ran geiht un in’n Oosten över Eßel, Kutenhult un Aasp na Bargst un Hornborg.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 25 Kilometer in’n Noordoosten von Hemelingbossel.
De nächste Bahnhoff is so bi fiev Kilometer wied weg in’n Westen de Bahnhoff Heesdörp an de Bahnlien Bremerhoben–Buxthu.
Footnoten ännern
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 101: https://books.google.de/books?id=jN5QAAAAcAAJ&pg=RA1-PA101
- ↑ C. H. Jansen: Statistisches Handbuch des Königreichs Hannover. 1824, Sied 266: http://books.google.de/books?id=tG0AAAAAcAAJ&pg=PA266
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142