Hollen (Hollnseth)

Hollen (hoochdüütsch Hollen) is en Dörp in de Gemeen Hollnseth, in’n Landkreis Cuxhoben, Neddersassen. Dat Dörp liggt bi de Meh.

Wapen/Flagg

Koort

Basisdaten

Bundsland: Neddersassen

523 (2009-12-3131. Dezember 2009)

Postleettall:

21769

Vörwahl:

04773

Geograafsche Laag:

Koordinaten:53° 35′ N, 9° 6′ O53° 35′ N, 9° 6′ O

Geografie

De Naveröörd sünd Nindörp in’n Noorden, Nindörper Moor in’n Noordoosten, Brobargen un Oostendörp in’n Oosten, Isheim in’n Süüdoosten, Abbenseth in’n Süden, Langeln in’n Süüdwesten un Armsdörp in’n Westen.

Historie

Hollener Möhl

Hollen kummt 1004 toeerst in de Oorkunnen vör.

De Hollener Möhl liggt en beten von’n Oord af an’n Möhlenbeek, de na de Meh flütt. De Möhl hett von 1801 bet 1940 Koorn mahlt. Vondaag is de Watermöhl en Museumsmöhl un blangen de Möhl liggt en Gasthoff.

In’n Eersten Weltkrieg sünd 15 Soldaten ut Hollen fullen oder vermisst un in’n Tweten 42^[1].

Hollen is an’n 1. Juli 1972 bi de Gemeenreform in Neddersassen mit de Gemeen Abbenseth to de ne’e Gemeen Hollnseth tohoopleggt worrn.

Hollen hett en lütt Heimatmuseum, dat von Michael Schwieger bedreven warrt.

Inwahnertall

Johr	Inwahners
1824-00-001824^[2]	34 Füürsteden
1848-00-001848^[3]	295 Lüüd, 53 Hüüs
1910-12-011. Dezember 1910^[4]	370
1925-00-001925^[5]	407
1933-00-001933^[5]	376
1939-00-001939^[5]	370
2009-12-3131. Dezember 2009^[6]	523

Religion

Kapell an’n Karkhoff

Hollen is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

De Karkhoff Hollen liggt an de Oortsstraat.

Börgermeesters

Tied	Börgermeester
1933–1938	Otto Gerkens
1938–	Christian Peters
1960–1972	Georg Müller

Wapen

Dat Wapen wiest op blauen Grund en sülvern Wellenlien mit en gollen Watermöhlenrad dör över un en gollen Barg in’n Schildfoot dor ünner, op den en blau Hünengraff to sehn is.

Dat Möhlenrad un de Wellenlien staht för de Hollener Möhl un den Hollener Möhlenbeek.

Kultur

Kriegerdenkmaal in Hollen

En Denkmaal för de Fullenen ut de twee Weltkrieg’ steiht bi’n Karkhoff.

Weertschop un Infrastruktur

Sprüttenhuus in Hollen

De fröhere School in Hollen

Hollen hett en egen freewillige Füürwehr.

Verkehr

Hollen liggt an de Kreisstraat 32, de in’n Noorden över Nindörp na Loomst löppt. In’n Süden löppt de Straat na Abbenseth. Lüttjere Straten gifft dat ans na Oostendörp, Armsdörp un Nindörper Moor.

Literatur

Michael Schwieger: Hollener Chronik. 2004, ISBN 3-8334-1022-1

Footnoten

↑ http://www.denkmalprojekt.org/2009/hollnseht-hollen_wk1u2_ns.htm
↑ C. H. Jansen: Statistisches Handbuch des Königreichs Hannover. 1824, Sied 290: http://books.google.de/books?id=tG0AAAAAcAAJ&pg=PA290
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
↑ http://www.gemeindeverzeichnis.de/gem1900/gem1900.htm?hannover/neuhaus.htm
↑ ^a ^b ^c http://www.verwaltungsgeschichte.de/hadeln.html
↑ http://boerde-lamstedt.der-norden.de/rathaus/zahlen.html

Weblenken

Hollen (Hollnseth). Mehr Biller, Videos oder Audiodateien to’t Thema gifft dat bi Wikimedia Commons.

Websteed von Michael Schwieger mit Infos över Hollen (hoochdüütsch)

[1] ttp://www.denkmalprojekt.org/2009/hollnseht-hollen_wk1u2_ns.htm

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 290: http://books.google.de/books?id=tG0AAAAAcAAJ&pg=PA290

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133

[InwahnertallRef3-4] ttp://www.gemeindeverzeichnis.de/gem1900/gem1900.htm?hannover/neuhaus.htm

[verwg.de-5] ttp://www.verwaltungsgeschichte.de/hadeln.html

[InwahnertallRef7-6] ttp://boerde-lamstedt.der-norden.de/rathaus/zahlen.html

[1]

[2]

[3]

[4]

[5]

[6]