Kanton Neenkarken
De Kanton Neenkarken weer as Kanton en Verwaltungsrebeed in dat Königriek Westfalen, dat blots von 1810 bet 1811 bestahn hett (Franzosentied). De Seet weer Neenkarken.
Historie ännern
De Ümgegend von Neenkarken hett vör de Franzosentied to Land Hadeln höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Kanton Neenkarken een von de 16 Kantons in’n Distrikt Stood von dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Neenkarken is opdeelt worrn op de Mairie Lee in’n Kanton Ritzbüttel un de Mairien Neenkarken un Helmworth in’n Kanton Oterndörp, all in’n Distrikt Stood, Departement von de Elvmünnen.
In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.
Mairien ännern
De Kanton weer indeelt in acht Mairien:[1]
- Mairie Neenkarken: Neenkarken
- Mairie Wester-Helmworth: Wester-Helmworth
- Mairie Ooster-Helmworth: Ooster-Helmworth
- Mairie Lee: Lee
- Mairie Wannen: Wannen, Füürsteed
- Mairie Steenau: Steenau
- Mairie Godshem: Godshem
- Mairie Oosterbrook: Oosterbrook
Footnoten ännern
- ↑ Bulletin des lois du Royaume de Westphalie. Königliche Bookdruckeree, Kassel 1810, Sied 6
Drochters | Freeborg | Harsfeld | Himmelpoorten | Hornborg | Jörk | Loomst | Neehuus | Neenkarken | Öberndörp | Oosten | Oterndörp | Steenkark | Stood | Sürsen | Zeven