Kanton Harsfeld

De Kanton Harsfeld weer as Kanton en Verwaltungsrebeed in dat Königriek Westfalen, dat blots von 1810 bet 1811 bestahn hett (Franzosentied). De Seet weer Harsfeld.

Historie

De Ümgegend von Harsfeld hett vör de Franzosentied to dat Amt Harsfeld un de Gerichten Swing un Delm in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Kanton Harsfeld een von de 16 Kantons in’n Distrikt Stood von dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Harsfeld is opdeelt worrn op de Mairien Harsfeld un Ohlers in’n Kanton Hornborg un de Mairie Mulsen in’n Kanton Bremervöör, all in’n Distrikt Stood, Departement von de Elvmünnen.

In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.

Mairien

De Kanton weer indeelt in twölv Mairien:

• Mairie Harsfeld: Harsfeld, Griemshorst, Depenrehmen, Steenbrenneree
• Mairie Bargst: Bargst, Ohrens, Walkmöhl
• Mairie Hollenbeek: Hollenbeek, Kokerbeek, Wohlers, Doosthoff
• Mairie Aasp: Aasp, Brest, Reith, Bredenbeek
• Mairie Örsdörp: Örsdörp, Kohlenhusen, Ottendörp, Klethen
• Mairie Ohlers: Ohlers, Ohrenswohl, Bokel, Ohrensmoor
• Mairie Mulsen: Mulsen, Tinst, Hogenmoor, Eßel, Hemelingbossel
• Mairie Kutenhult: Kutenhult, Bullenholt, Wehl
• Mairie Swing: Swing, Lüttjen Freenbeek, Dinghoorn, Bokel, Groot Freenbeek
• Mairie Wiegersen: Wiegersen, Bockhorst, Löh, Bredenhoorn, Sounsiek, Borrel, Remnoh, Kommerbusch
• Mairie Obbens: Obbens, Ottens
• Mairie Beekdörp: Beekdörp, Guldbeek, Guldbeker Möhl, Nindörp

Footnoten

Kantons in’n Distrikt Stood (Königriek Westfalen, 1810–1811)

Drochters | Freeborg | Harsfeld | Himmelpoorten | Hornborg | Jörk | Loomst | Neehuus | Neenkarken | Öberndörp | Oosten | Oterndörp | Steenkark | Stood | Sürsen | Zeven