Bennbössel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 616 (2008) | |
| Hööchd: | 46 m över NN | |
| Postleettall: | 27308 | |
| Vörwahl: | 04237 | |
| Geograafsche Laag: | Koordinaten:52° 57′ N, 9° 25′ O52° 57′ N, 9° 25′ O | |
|
| ||
Bennbössel (hoochdüütsch Bendingbostel) is en Dörp in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln billt de Oort de polietsche Oortschop Bennbössel.
Geografie
ännernDe Oort liggt op de Linnelner Geest. Dat Water ut dat Rebeed flütt över’n Gohbeek af.
De Naveröörd sünd Groten Zähln in’n Noorden, Geerkenhoff un Odeweg in’n Noordoosten, Schepinkel, Sankt Pauli un Egenbossel in’n Oosten, Lehrden un Groten Heinz in’n Süüdoosten, Lüttjen Heinz un Goldborn in’n Süden, Kükenmoor, Gohbeek, Neenkroog, Kohlenföör un Huxhaal in’n Süüdwesten, Brouk un Schmomöhlen in’n Westen un Lüttjen Zähln in’n Noordwesten.
Historie
ännernBennbössel kummt 1320 in en Oorkunn von’n Veerner Bischop Nikolaus as Benige-Bostellde toeerst in de Oorkunnen vör.
In’n Eersten Weltkrieg sünd 13 Soldaten ut Bennbössel fullen oder vermisst un in’n Tweten Weltkrieg 32.[1]
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Kerklinneln in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort is an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn un billt sietdem binnen de Gemeen en Oortschop mit egen Oortsvörsteiher.
Inwahnertall
ännern| Johr | Inwahners |
|---|---|
| 1791[2] | 8 Füürsteden |
| 1812[3] | 70 |
| 1824[4] | 10 Füürsteden |
| 1848[5] | 137 Lüüd, 23 Hüüs |
| 1. Dezember 1871[6] | 173 Lüüd, 23 Hüüs |
| 1. Dezember 1885[7] | 156 Lüüd, 30 Hüüs |
| 1. Dezember 1905[8] | 231 Lüüd, 35 Hüüs |
| 1. Dezember 1910[9] | 266 |
| 1925[10] | 287 |
| 1933[10] | 287 |
| 1939[10] | 255 |
Religion
ännernBennbössel is evangeelsch-luthersch präägt un höört to dat Kaspel von de Petrus-Kark in Kerklinneln.
För de Kathoolschen is de St.-Josef-Kark in Veern tostännig.
De Oort hett en egen Karkhoff.
Oortsvörsteihers
ännern- opstunns: Cord Wahlers
Kultur
ännernEn Denkmaal för de Fullenen ut de twee Weltkrieg’ steiht in Bennbössel op’n Karkhoff.
Verenen
ännernDe Schüttenvereen Bennbössel is 1876 grünnt worrn.
Weertschop un Infrastruktur
ännernBennbössel hett en egene freewillige Füürwehr, de in’n Mai 1936 grünnt worrn is.
Dat gröttste Ünnernehmen in’n Oort is Schutz Fahrzeugbau, de Fohrtüüg mit Spezialopboten utrüsten doot. Dat Ünnernehmen is 1961 von Heinz Schutz grünnt worrn un hett vondaag üm un bi 95 Mitarbeiders.
In Bennbössel gifft dat veer Goorneree, de all in de Goornersiedlung in’n Süüdwesten von dat Dörp sitten doot. De Goornereen hebbt sik to en Verdrievssellschop tohoopslaten.
Verkehr
ännernDör Bennbössel löppt de Kreisstraat 22, de in’n Süden bi Lüttjen Heinz an de Landsstraat 171 ran un wieder na Groten Heinz geiht un de in’n Westen över Brouk un Lüttjen Linneln ok an de L 171 ran föhrt. De L 171 löppt in’n Noordoosten över Jeddingen na Visselhöövd un in’n Süüdwesten över Kerklinneln na Veern.
De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost is teihn Kilometer wied weg in’n Süüdwesten von Bennbössel an de L 171.
De nächste Bahnhoff is so bi ölven Kilometer wied weg in’n Noordoosten de Bahnhoff Visselhöövd an de Bahnlien Ülzen–Langwedel (inricht 1873). Bet 1987 hett dat ok in Bennbössel en Bahnhoff an düsse Bahnlien geven. De Bahnhoff Veern an de Bahnlien Wunsdörp–Bremen liggt 13 Kilometer in’n Süüdwesten un is inbunnen in dat Nett von de Regio-S-Bahn Bremen/Neddersassen.
Scholen
ännernIn’t Dörp liggt de Lintler Geest-School. Na düsse Grundschool gaht de Kinner ut’n Oort un ut en ganze Reeg annere Öörd ümto.
Footnoten
ännern- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 20
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 46
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 172
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Armsen | Bennbössel | Brouk | Heinz | Hogenabargen | Holbm | Kerklinneln | Kreepm | Kükenmoor | Lutten | Neernabargen | Odersen | Schepinkel | Zähln | Stemmen | Wetenmöhlen | Wittloh