Lois Maxwell

Lois Maxwell (* 14. Februar 1927 in Kitchener, Ontario; † 29. September 2007 in Fremantle, Western Australia, Australien; eegentlich Naam Lois Hooker) weer en kanaadsch Schauspelerin, de vör allen dör hör Rull as Miss Moneypenny in tallriek James-Bond-Filmen bekannt wurr.

Lois Maxwell in de Kummedie That Hagen Girl  (1947)

Leven un Karriere

Maxwell is in Kanada as Dochter vun en Schoolmeester un en Krankensüster upwussen. Se leep 1942 mit 15 Johren vun to Huus weg, um sück in’ Tweeten Weltkrieg de Armee antosluuten. Oschoons se eegentlich to jung weer för den Kriegsdeenst, hett se dat schaff, in de Royal Canadian Army upnommen to weern. As Suldatin wurr se dat Army Entertainment Corps todeelt, mit de se in Europa Musik- un Danznummern upführen de. As de Trupp London erreichen dee, wurr hör gering Öller updeckt. Dormit se nich nah Kanada torüch schickt wurr, schreev sück Maxwell bi de Royal Academy of Dramatic Arts (RADA) in.

In dat Öller vun 20 Johren reis se nah Hollywood, bekeem verscheeden Engagements un wunn sogor den Golden Globe as „Best Nahwussdorstellerin“ för hör Rull in de Shirley Temple-Kummedie That Hagen Girl (1947), in de se u. a. neben Ronald Reagan speel. In en Fotostreck för dat Life Magazine stunn Maxwell neben en anner upstrevend Star, Marilyn Monroe.

Nah hör Rückkehr nah Europa leev Maxwell fiev Johr lang in Rom. Während en Reis nah Paris hett se hör lateren Ehemann Peter Marriott drapen. Se hebbt 1957 heiraadt un trucken tosommen nah London, wo 1958 hör Dochter Melina un 1959 hör Söhn Christian boren wurr.

Hör Rull as Miss Moneypenny

De Rulle, mit de se bekannt un beliebt wurr, speel se 1962 ton’ eersten Mal: Miss Moneypenny. All in de eerst Film vun Bond-Reeg is se de Chefsekretärin vn M, den Chef vun den britschen Geheemdeenst MI6. Hör Verhältnis to den Geheemagenten James Bond is präägt vun düchtig Flirts, dat vun hüm blots spelerisch antwoort, aber nie nich ernsthaft hörrt wurrd. En Romanze tüschen de beid gifft dat nich, ok wenn he ansonsten de Fruen immer achteran löppt.

In de folgend 23 Johr speel Maxwell de Miss Moneypenny insgesamt 14 Mal in all offiziellen Bond-Filmen. Se hett woll all in Octopussy (1983) mit Miss Penelope Smallbone, speelt vun Michaela Clavell, en nee Assistentin vörstellt, weer 1985 aber in Im Angesicht des Todes, weer an de Siet vun de glieköllerigen Roger Moore, noch mal dorbi. As Moore in den folgenden Bond-Film Der Hauch des Todes dör den rund 20 Johr jüngeren Timothy Dalton ersett wurr, weer ok, trotz Maxwell hör fortsett Intresse an de Rull, hör Tiet as Miss Moneypenny vörbi. Se wurr in de folgend twee Filmen mit Timothy Dalton dör Caroline Bliss ersett. Later, in de Filmen mit Pierce Brosnan as Bond-Dorsteller, övernehm denn Samantha Bond de Rull. Völ vun de Bond-Fans seecht aber in Lois Maxwell de „wohre“ Miss Moneypenny.

Wietere Loopbahn

In de 1960er Johren is Maxwell buterdem in verscheeden kanaadsch un britschen Feernsehreegen uptreden, so in Mit Schirm, Charme und Melone, UFO, Stingray, Geheimauftrag für John Drake, Simon Templar, Abenteuer im Regenbogenland, Department S oder Die Zwei. Nah de Dood vun hör Ehemann Anfang vun de 1970er Johren kehr Maxwell nah Kanada torüch un schreev ünner dat Pseudonym Miss Moneypenny Artikel för dat Daagblatt Toronto Sun. 1994 truck se weer nah England un truck sück up en Anwesen in Frome (Graafschap Somerset) torüch. Hör letzt Rull harr se 2001 in de Film „Der vierte Engel“.

Lois Maxwell speel in tosamen rund 50 Speelfilmen un Feernsehprodukschonen mit, aver mit keeneen vun disse Upträen kreeg se de glieker Popularität as mit hör Rull in de James Bond-Reeg.

Se is an’ Avend vun den 29. September 2007 an Hartverseggen storven.

Filmografie (Utwahl)

Johr	Titel	Synchroonsnacker
1947	That Hagen Girl
1949	The Crime Doctor’s Diary
1950	Domani è troppo tardi dt.: Morgen ist es zu spät	Lu Säuberlich
1952	Amori e veleni
1952	Lady in the Fog dt.: Vom Täter fehlt jede Spur	Ursula Zell
1955	La grande speranza dt.: Die große Hoffnung
1956	Passport to Treason dt.: Jaguar packt zu
1961	The Unstoppable Man dt.: London hält den Atem an
1962	Dr. No dt.: James Bond 007 jagt Dr. No	Beate Hasenau
1963	From Russia with Love dt.: Liebesgrüße aus Moskau	Lola Luigi
1964	Goldfinger	Lola Luigi
1964-65	Stingray, Feernsehreeg
1965	Thunderball dt.: Feuerball	Lola Luigi
1967	OK Connery dt.: Operation ‚Kleiner Bruder‘	Beate Hasenau
1967	You Only Live Twice dt.: Man lebt nur zweimal	Lola Luigi
1969	Adventures in Rainbow Country, Feernsehreeg dt.: Abenteuer im Regenbogenland
1969	On Her Majesty’s Secret Service dt.: Im Geheimdienst Ihrer Majestät	Inge Landgut
1971	Diamonds Are Forever dt.: Diamantenfieber	Inge Landgut
1973	Live and Let Die dt.: Leben und sterben lassen	Helga Trümper
1974	The Man with the Golden Gun dt.: Der Mann mit dem goldenen Colt	Emely Reuer
1977	The Spy Who Loved Me dt.: Der Spion, der mich liebte	Emely Reuer
1979	Moonraker dt.: Moonraker – Streng geheim	Emely Reuer
1981	For Your Eyes Only dt.: In tödlicher Mission	Emely Reuer
1983	Octopussy	Helga Trümper
1984	Peep, Feernsehn
1985	A View to a Kill dt.: Im Angesicht des Todes	Helga Trümper
2001	The Fourth Angel dt.: Der vierte Engel
2003	Hard to Forget, Feernsehn

Weblinks

Lois Maxwell. Mehr Biller, Videos oder Audiodateien to’t Thema gifft dat bi Wikimedia Commons.

• Lois Maxwell in de Internet Movie Database (engelsch)
• „Bond-Star Lois Maxwell gestorben“, Spiegel Online, 30. September 2007
• „Sex war Gestern - Miss Moneypenny gestorben“, sueddeutsche.de, 1. Oktober 2007
• DNB-Katalog
• Personennaamdatei