Wikipedia

You Only Live Twice (Film)

You Only Live Twice (op plattdüütsch so veel as „Du leevst blots tweemol“; dt. Titel Man lebt nur zweimal) is de Titel vun en britischen Speelfilm ut de James-Bond-Reeg, de in’t Johr 1967 rutkamen is. De Film is de föffte ut de Reeg, de vun Eon Productions Ltd. worrn is. Speelbaas weer Lewis Gilbert. De Inholt vun den Film baseert op den Roman mit glieken Naam vun den Schriever Ian Fleming, wiest aver as eerste Film ut de Reeg düütliche Afwieken vun de Literaturvörlaag op.

Filmdaten
Plattdüütsch Titel: —
Originaltitel: You Only Live Twice
Düütsch Titel: Man lebt nur zweimal
Produkschoonsland: Grootbritannien
Johr vun’t Rutkamen: 1967
Läng: 117 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Lewis Gilbert
Dreihbook: Roald Dahl
Produkschoon: Albert R. Broccoli
Harry Saltzman
Musik: John Barry
Nancy Sinatra (Titelleed)
Kamera: Freddie Young
Snitt: Peter R. Hunt
Szenenbild: Ken Adam
Dorstellers

Inholt

ännern

En unbekannte snaaksche Flaagmaschien roovt Ruumscheep vun de USA as ok vun de Sowjetunion mitsams de Lüüd an Boord. Beide Staaten glöövt, dat de annere Supermacht dorachter steken deit, so dat de politische Situatschoon op’n Atomkrieg tostüern deit. Man, de britische Regeeren is dorvun övertüügt, dat dat unbekannte Ruumfohrtüüch ennerworrns in Japan lannt is.

Üm den Fall ünnersöken to können, warrt in Hongkong de Dood vun James Bond inszeneert – dorher ok de Titel vun den Film. He warrt na Japan schickt, üm ruttofinnen, wat dor vör sik geiht. Ünnerstütt warrt he dorbi vun Tiger, den Baas vun’n japaanschen Geheemndeenst. Tosamen finnt se rut, wokeen wohrhaftig vör de Vörfäll verantwoortlich is, neemlich Ernst Stavro Blofeld mit siene Verbrekerorganisatschoon SPECTRE. As sik rutstellt, warrt de Plaan vun de Volksrepubliek China mit Geld ünnerstütt. Dat Teel is dorbi, dat sik de beiden Supermächt gegensietig tonichten maakt. China un SPECTRE hapt, dat se sik dorna de Herrschop ver de Welt ünner’n Nagel rieten künnt.

För sien Tarnung heiraat Bond to’n Schien en Agentin vun’n japaanschen Geheemdeenst. Mit ehr Help kriggt he rut, dat de geheeme Weltruumbahnhoff in en ollen Vulkan versteken is, de lang al dood is. Man, noch vördem Bond hinnern kann, dat de letzte Deel vun den Plaan ümsett warrt, warrt he faat kregen un na Blofeld bröcht. In de Twüschentiet rückt Tanaka mit sien Armee vun Ninja-Kämpers an, üm den Vulkan intonehmen. Se warrt aver ok opdeckt, un so kummt dat anvt Enn to en Slacht op Leven un Dood. De Start vun dat snaaksche Ruumschipp schient nich mehr optohollen, man Bond kann sik befreen un in den Kontrollruum inbreken. He kann dat Ruumschipp tonichten maken, kort vördem dat en wieteret US-amerikaanschet Ruumschipp roven kann. So kann in letzte Sekunn de Krieg noch afwennt warrn, ok wenn Blofeld opletzt utneihn kann.

Kritiken

ännern

Utteken

ännern

De Film is 1967 in Düütschland mit de Goldenen Lienwand uttekent worrn un weer för twee wietere Priesen nomineert.

Achtergrünnen

ännern
 
Little Nellie, de Draagschruver, de tosamennahmen warrn kann
 
De Vulkan Shinmoe-dake deen as Kulisse för den Vulkan mit’n Weltruumbahnhoff

De Film is an en Reeg vun verschedenen Öörd dreiht worrn, ünner annern in de Pinewood Studios in London, in Gibraltar, Hongkong, Tokio un vele annere Städer in Japan, as ok in Norwegen un op de Bermudas. De Ünnerwater-Opnahmen sünd bi de Bahamas dreiht worrn.

Dat Bondgirl Akiko Wakabayashi weer dorför verantwoortlich, dat twee grote Ännern an’t Dreibook vörnahmen worrn sünd[2]. To’n een weer so nich tofreden mit den Naam vun ehr Rull. Na den Roman schüll de Figur Suki heten, wat för Akiko to dicht an de Figur Kissy Suzuki weer. Se hett anboden, för de Rull ehrn egenen Ökelnaam Aki to bruken, womit de Kru un de Speelbaas inverstahn weern. To’n annern weern die Rullen vun Mie un Akiko toeerst jüst annersrüm beleggt. Dat heet dat Akiko för Kissy Suzuki vörsehn weer un Mie Suki spelen schüll. Kissy weer aver as en teemlich traditschonelle Deern anleggt un Akiko meen dat se wegen ehr internatschonalen Insichten beter in de Rull vun Suki passen de. De Rullen sünd dorophen tuuscht worrn.

Natürlich gifft dat ok in dissen Bond-Film een poor Gadgets. Rutragen dorünner is in dissen Film en Een-Mann-Draagschruver mit swore Wapen, de Ut’neennahmen un in veer Kufffers transporteert warrn kann. Disse Fleger as in den Film as Little Nellie bekannt worrn. He is ruchweg 3,4 Meter lang, 1,6 Meter breed[3] un lichter as 115 kg. De eenmotorige Flaagmaschien is wohrhaftig in de Laag to flegen un kann bit to 210&jnbsp;km/h gau warrn. Utleggt is de vör en Hööch vun hööchsten 6 km.

Literatur

ännern
  • Manfred Knorr, Peter Osterried: James Bond 007. MPW, Hille 2005, ISBN 3-931608-67-0. (Moviestar Sünnerband)
  • Danny Morgenstern, Manfred Hobsch: James Bond XXL. Schwarzkopf & Schwarzkopf, Berlin 2006, ISBN 3-89602-545-7.

Borns

ännern
  1. ↑ Lexikon vun’n internatschonalen Film
  2. ↑ Michael Petzel, Manfred Hobsch: Die Akte James Bond. Schwarzkopf & Schwarzkopf, Berlin 2002, ISBN 3-89602-415-9, S. 109.
  3. ↑ Danny Morgenstern, Manfred Hobsch: James Bond XXL (Band 2) Schwarzkopf & Schwarzkopf, ISBN 3-89602-545-7, S. 61.

Weblenken

ännern
James-Bond-Filmreeg

Filmreeg vun Eon
1962: Dr. No | 1963: From Russia with Love | 1964: Goldfinger | 1965: Thunderball | 1967: You Only Live Twice | 1969: On Her Majesty’s Secret Service | 1971: Diamonds Are Forever | 1973: Live and Let Die | 1974: The Man with the Golden Gun | 1977: The Spy Who Loved Me | 1979: Moonraker | 1981: For Your Eyes Only | 1983: Octopussy | 1985: A View to a Kill | 1987: The Living Daylights | 1989: Licence to Kill | 1995: GoldenEye | 1997: Tomorrow Never Dies | 1999: The World Is Not Enough | 2002: Die Another Day | 2006: Casino Royale | 2008: Quantum of Solace | 2012: Skyfall | 2015: Spectre

Annere
1954: Casino Royale (Feernsehfilm) | 1967: Casino Royale | 1983: Never Say Never Again

 
Vun „https://nds.wikipedia.org/w/index.php?title=You_Only_Live_Twice_(Film)&oldid=924944“