Bargdörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27726 | |
| Vörwahl: | 04792 | |
| Geograafsche Laag: | Koordinaten:53° 13′ N, 8° 57′ O53° 13′ N, 8° 57′ O | |
|
| ||
Bargdörp (hoochdüütsch Bergedorf) is en Dörp in de Gemeen Worpsweed in’n Landkreis Oosterholt, Neddersassen.
Geografie
ännernDe Oort liggt in dat Düvelsmoor an’n Weyerbarg. Dat Water ut dat Rebeed flütt över Gravens un de Umbeek na de Hamm hen af.
De Naveröörd sünd Överhamm in’n Noorden, Mevenst un Slussdörp in’n Oosten, Adelsdorp in’n Oosten, Ottersteen in’n Süüdoosten, Mooringen in’n Süden, Westerweed in’n Süüdwesten, Oostendörp in’n Westen un Oosterweed un Weyerdeelen in’n Noordwesten.
Historie
ännernBargdörp is 1750 as Moorkolonie grünnt worrn.
In’n Eersten Weltkrieg sünd 17 Soldaten ut Bargdörp fullen oder vermisst un in’n Tweten Weltkrieg 19.[1]
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Worpsweed in’n Kanton Leendaal höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Worpsweed in dat Amt Oosterholt tohöört un denn von 1852 bet 1885 to dat Amt Leendaal. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.
De Oort is an’n 1. Oktober 1936 Deel von de Gemeen Worpsweed worrn.
Inwahnertall
ännern| Johr | Inwahners |
|---|---|
| 1791[2] | 28 Füürsteden |
| 1812[3] | 187 |
| 1824[4] | 28 Füürsteden |
| 1848[5] | 236 Lüüd, 32 Hüüs |
| 1. Dezember 1871[6] | 378 Lüüd, 58 Hüüs |
| 1. Dezember 1885[7] | 371 Lüüd, 70 Hüüs |
| 1. Dezember 1905[8] | 424 Lüüd, 66 Hüüs |
| 1. Dezember 1910[9] | 413 |
| 1925[10] | 385 |
Religion
ännernBargdörp is evangeelsch-luthersch präägt un höört to dat Kaspel von de Zionkark in Worpsweed.
För de Kathoolschen gifft dat in Worpsweed de Maria-Freden-Kapell, de to de Goden-Hirt-Kark in Leendaal höört. De Goden-Hirt-Kark höört siet 1. September 2012 to de Karkengemeen von de Hillige-Familie-Kark in Oosterholt-Scharmbeek.
Kultur
ännernTafeln för de Fullenen ut de twee Weltkrieg’ hängt in Worpsweed in de Kark.
Weertschop un Infrastruktur
ännernVerkehr
ännernDör Bargdörp löppt de Kreisstraat 10, de in’n Noordwesten na’n Weyerbarg an de Landsstraat 153 geiht un in’n Süüdoosten na Grasbarg. Ok de Kreisstraten K 28, K 29 un K 31 gaht dör den Oort.
De nächste Autobahn is de Autobahn 27 (Afsnidd Bremen–Bremerhoben). De Opfohrt 17 Bremen-Industriehavens (Dreeeck Bremen-Industriehavens mit Övergang na de A 281) liggt so 20 Kilometer in’n Süüdwesten von Bargdörp an de Hu’er Heerstraat un de Opfohrt 16 Bremen-Noord (an de B 74) 20 Kilometer. De B 74 geiht dor ok in de A 270 na Blomendal över.
De nächste Bahnhoff is so bi 15 Kilometer wied weg in’n Westen de Bahnhoff Oosterholt-Scharmbeek an de Bahnlien Bremen–Bremerhoben. Von 1911 bet 1978 hett dat ok Personenverkehr op de Bahnlien Stood–Oosterholt-Scharmbeek geven. De Bahnhoff Worpsweed an disse Bahnlien leeg en Stück in’n Noordwesten.
Footnoten
ännern- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 21
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 52
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 167
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 140
- ↑ Inwahnertallen op gemeindeverzeichnis.de
- ↑ Inwahnertallen op verwaltungsgeschichte.de