Överhamm
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 357 (31. Dezember 2016) | |
| Hööchd: | 3 m över NN | |
| Postleettall: | 27726 | |
| Vörwahl: | 04792 | |
| Geograafsche Laag: | Koordinaten:53° 15′ N, 8° 57′ O53° 15′ N, 8° 57′ O | |
|
| ||
Överhamm (hoochdüütsch Überhamm) is en Dörp in de Gemeen Worpsweed in’n Landkreis Oosterholt, Neddersassen. Binnen de Gemeen Worpsweed billt de Oort vondaag en egen polietsche Oortschop.
Geografie
ännernDe Oort liggt in dat Düvelsmoor. Dat Water ut dat Rebeed warrt över Gravens na’n Umbeek un na de Hamm hen afföhrt.
De Naveröörd sünd Vieh un Huttenbusch in’n Noorden, Nee Sankt Jürgen in’n Noordoosten, Winkelmoor in’n Oosten, Mevenst in’n Süüdoosten, Bargdörp un Oosterweed in’n Süden, Weyerdeelen in’n Süüdwesten un Düvelsmoor in’n Noordwesten.
Historie
ännernÖverhamm kummt 1612 toeerst in de Oorkunnen vör un is von Buurn ut dat Dörp Düvelsmoor grünnt worrn. To de Tied hett dat dor veer Kolonisten geven. Dat is een von de öllsten Öörd in dat Düvelsmoor. De Naam kummt dorvon, dat de Oort ut Sicht von dat noch öllere Moordörp Düvelsmoor över de Hamm also op dat annere Över von de Hamm leeg.
In’n Eersten Weltkrieg sünd twölv Soldaten ut Överhamm fullen oder vermisst un in’n Tweten Weltkrieg negen.[1]
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Worpsweed in’n Kanton Leendaal höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Moorvaagdie Huttenbusch in dat Amt Otterbarg tohöört un denn von 1852 bet 1885 to dat Amt Leendaal. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.
De Oort is an’n 1. März 1974 mit de Gemeenreform in Neddersassen Deel von de Gemeen Worpsweed worrn. Mit dissen Dag is ut de Gemeen Överhamm denn de polietsche Oortschop Överhamm worrn, de en egen Oortsvörsteiher hett.
Inwahnertall
ännern| Johr | Inwahners |
|---|---|
| 1791[2] | 33 Füürsteden |
| 1812[3] | 230 |
| 1824[4] | 33 Füürsteden |
| 1848[5] | 236 Lüüd, 34 Hüüs |
| 1. Dezember 1871[6] | 220 Lüüd, 35 Hüüs |
| 1. Dezember 1885[7] | 208 Lüüd, 33 Hüüs |
| 1. Dezember 1905[8] | 187 Lüüd, 37 Hüüs |
| 1. Dezember 1910[9] | 186 |
| 1925[10] | 213 |
| 1933[10] | 198 |
| 1939[10] | 181 |
Religion
ännernÖverhamm is evangeelsch-luthersch präägt un höört to dat Kaspel von de Zion-Kark in Worpsweed.
För de Kathoolschen gifft dat in Worpsweed de Maria-Freden-Kapell, de to de Goden-Hirt-Kark in Leendaal höört. De Goden-Hirt-Kark höört siet 1. September 2012 to de Karkengemeen von de Hillige-Familie-Kark in Oosterholt-Scharmbeek.
Oortsvörsteihers
ännern- opstunns: Gerhard Schröder
Kultur
ännernEn Denkmaal för de Fullenen ut de twee Weltkrieg’ steiht in Worpsweed an de Kark.
Weertschop un Infrastruktur
ännernVerkehr
ännernDe Dörpstraat dör Överhamm is in’n Noorden un Süden anbunnen an de Landsstraat 153, de in’n Westen na Pennigbüttel bi Oosterholt-Scharmbeek an de Bundsstraat 74 ran geiht un in’n Süden na Worpsweed un op Leendaal to. Von de L 153 geiht na Noorden de L 165 över Huttenbusch na Korlshöben af.
De Opfohrt 16 Bremen-Noord op de Autobahn 27/270 liggt so 21 Kilometer in’n Süüdwesten von Överhamm an de B 74. De Opfohrt 17 Dreeeck Bremen-Industriehavens op de Autobahn 27/281 liggt lieker wied in’n Süüdwesten.
De nächste Bahnhoff is so bi 15 Kilometer wied weg in’n Süüdwesten de Bahnhoff Oosterholt-Scharmbeek an de Bahnlien Bremen–Bremerhoben. Von 1911 bet 1978 hett dat ok Personenverkehr op de Bahnlien Stood–Oosterholt geven. De nächsten Bahnhööv weren in Umbeek-Weyerdeelen un in Nee Sankt Jürgen knapp twee Kilometer in’n Süden un Noordoosten.
Footnoten
ännern- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 231
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 608
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
ännern- Websteed över dat Dörp (hoochdüütsch)
Huttenbusch | Mevenst | Nee Sankt Jürgen | Oostersood | Slussdorp | Överhamm | Waakhusen | Worpsweed