Mairie Worpsweed

Mairie in de Franzosentied to Anfang dat 19. Johrhunnert

De Mairie Worpsweed weer in de Franzosentied (1810 bet 1813) een von de dree Mairien, in de de Kanton Leendaal indeelt weer. De Seet weer in Worpsweed. Se harr 2735 Inwahners.[1]

Historie ännern

De Ümgegend von Worpsweed hett vör de Franzosentied to de Ämter Oosterholt un Otterbarg in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Worpsweed een von de twölv Mairien in’n Kanton Leendaal von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Worpsweed weer nu een von de dree Mairien in’n Kanton Leendaal, Distrikt Bremen, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to söss Mairien höört harrn: de Mairien Worpsweed, Huttenbusch, Adelsdorp, Nee Sankt Jürgen un Seehusen in’n Kanton Leendaal un de Mairie Heudorp in’n Kanton Otterbarg. Von de Mairie Seehusen weer dat blots Seehusen sülvs. Wörpdörp güng an de Mairie St. Jürgen.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd ännern

Dor hebbt düsse Öörd tohöört:

Vondaag sünd düsse Öörd Deel von de Gemenen Worpsweed un Worpsweed.

Footnoten ännern

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 96
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 12