Nee-Kuhstermoor

Oort in’n Landkreis Rodenborg (Wümm), Neddersassen
Wapen/Flagg Koort
hett keen Wapen
Nee-Kuhstermoor
Laag vun Nee-Kuhstermoor in Düütschland
Basisdaten
Bundsland: Neddersassen
Landkreis: Rodenborg
Gemeen: Gnarrenborg
Inwahners:
Postleettall: 27442
Vörwahl: 04763
Geograafsche Laag:
Koordinaten:53° 21′ N, 8° 57′ O
53° 21′ N, 8° 57′ O

Karte

Nee-Kuhstermoor (hoochdüütsch Neu-Kuhstedtermoor) is en Oort in de Gemeen Gnarrenborg in’n Landkreis Rodenborg, Neddersassen.

Geografie ännern

De Oort liggt an’n Rand von dat Düvelsmoor. Dat Water ut dat Rebeed warrt över’n Giehlermoorer Schippgraven na’n Kollbeek un den Giehler Beek hen afföhrt.

De Naveröörd sünd Nee-Kuhs in’n Noorden, Kuhs in’n Noordoosten, Kuhstermoor in’n Oosten, Giehlermoor in’n Süden, Ahrensdörp un Vollerso in’n Süüdwesten, Giehlermöhlen in’n Westen un Giehl in’n Noordwesten.

Historie ännern

De Oort is 1857 mit 15 Anbosteden von 23 Morgen as Moorkolonie anleggt worrn.

Verwaltungsgeschicht ännern

De Oort hett vör 1859 to dat Amt Beverst tohöört. 1859 is de Oort an dat Amt Bremervöör kamen. Na 1885 weer dat in’n Kreis Bremervöör, de 1932 mit’n Kreis Zeven to’n ne’en un grötteren Kreis Bremervöör tohoopgahn is. 1977 is dat Deel von’n Landkreis Rodenborg worrn.

De Oort hett von öllers bi de Gemeen Kuhs mit bihöört, de an’n 1. März 1974 mit de Gemeenreform in Neddersassen Deel von de Gemeen Gnarrenborg worrn is.

Inwahnertall ännern

Johr Inwahners
1885-12-011. Dezember 1885[1] 58 Lüüd, 9 Hüüs
1905-12-011. Dezember 1905[2] 71 Lüüd, 14 Hüüs

Religion ännern

Nee-Kuhstermoor is evangeelsch-luthersch präägt un höört to dat Kaspel Kuhs.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur ännern

För Nee-Kuhstermoor is de freewillige Füürwehr Kuhs mit tostännig.

Verkehr ännern

De Straat, över de Nee-Kuhstermoor anbunnen is, driggt den Naam Postheid. Düsse Straat löppt in’n Noorden an de Bundsstraat 74 ran un in’n Süden in Giehlermoor an de Kreisstraat 35. De B 74 föhrt in’n Noordoosten över Kuhs an Gnarrenborg langs na Bremervöör un in’n Süüdwesten över Hambargen, Oosterholt-Scharmbeek un Hu’e na Bremen-Noord.

De nächste Autobahn is de Autobahn 27 (Afsnidd BremenBremerhoben), de mit ehre verscheden Opfohrten so üm un bi 30 Kilometer von Nee-Kuhstermoor af is.

De nächste Bahnhoff is so bi 14 Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben.

Scholen ännern

De Kinner ut Nee-Kuhstermoor gaht na de Grundschool Kuhs. Bevör düsse School 1927 boot worrn is, güngen de Kinner in Kuhstermoor na School.

Footnoten ännern

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 186
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 22