Rutendorp
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 28879 | |
| Vörwahl: | 04293 | |
| Geograafsche Laag: | Koordinaten:53° 8′ N, 9° 2′ O53° 8′ N, 9° 2′ O | |
|
| ||
Rutendorp (hoochdüütsch Rautendorf) is en Dörp in de Gemeen Grasbarg in’n Landkreis Oosterholt, Neddersassen. To Rutendorp höört ok de Oortsdelen Rutenbarg (in’n Süden) un Nee-Rutendorp (in’n Noorden) mit to.
Geografie
ännernDe Oort liggt in dat Korte Moor, wat en Utlöper von dat Düvelsmoor is. An’n Süüdrand von’n Oort in Rutenbarg flütt de Noordarm von de Wümm langs. Dat Water ut dat Rebee von Rutendorp warrt över’n Rutendorper Schippgraven na de Wümm hen afföhrt.
De Naveröörd sünd Meinershusen un Middelsmoor in’n Noorden, Huxfeld un Smalenbeek in’n Noordoosten, Hu’e un Quelkhoorn in’n Süüdoosten, Ebbensiek in’n Süüdwesten, Wienkoopsmoor un Seebargen in’n Westen un Dannenbarg in’n Noordwesten.
Historie
ännernRutendorp is 1762 von’n Moorkommissar Jürgen Christian Findörp as Moorkolonie grünnt worrn. Dat is en Stratendörp. De Oort harr groff de Form von en Ruut, dor von de Naam.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Hu’e in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Moorvaagdie Grasdörp in dat Amt Otterbarg tohöört un is denn in dat Amt Leendaal wesselt. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.
De Oort is an’n 1. März 1974 mit de Gemeenreform in Neddersassen Deel von de Gemeen Grasbarg worrn.
Inwahnertall
ännern| Johr | Inwahners |
|---|---|
| 1791[1] | 32 Füürsteden |
| 1812[2] | 180 |
| 1824[3] | 35 Füürsteden |
| 1848[4] | 277 Lüüd, 40 Hüüs |
| 1. Dezember 1871[5] | 473 Lüüd, 80 Hüüs |
| 1. Dezember 1885[6] | 542 Lüüd, 91 Hüüs |
| 1. Dezember 1905[7] | 563 Lüüd, 96 Hüüs |
| 1. Dezember 1910[8] | 569 |
| 1925[9] | 575 |
| 1933[9] | 557 |
| 1939[9] | 521 |
Religion
ännernRutendorp is evangeelsch-luthersch präägt un höört to dat Kaspel von de Findörp-Kark in Grasbarg.
För de Kathoolschen is de Goden-Hirt-Kark in Leendaal tostännig, de 1961 grünnt worrn is un siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. In Weyerbarg gifft dat tosätzlich noch de Maria-Freden-Kapell von 1975.
Wapen
ännernDat Wapen von Rutendorp is baven blau un wiest ünnen dör en sülvern Spoor deelt op swarten Grund en gollen Ruut. In de Ruut is en sülvern Törfkahn to sehn.
De swarte Grund steiht för dat Moor un dat Blau för den Heven över dat Moor. De Ruut is Sinnbild för den Naam von dat Dörp. De Törfkahn steiht för de Törfschipperee, de fröher den gröttsten Deel von dat Inkamen utmaakt hett.
Utklamüsert hett dat Wapen Horst Scheffler ut Weyerbarg. De Regerungspräsident von Stood hett dat an’n 10. Mai 1968 genehmigt.
Kultur
ännernIn Rutendorp steiht en Denkmaal för de Fullenen ut de twee Weltkrieg’. Dat is 1953 anleggt worrn.
Verenen
ännernRutendorp hett en egene freewillige Füürwehr. De Heimatvereen Rutendorp is an’n 8. März 1953 grünnt worrn.
De VfR Seebargen-Rutendörp is 1958 grünnt worrn un is besünners in’n Floorball en in ganz Düütschland ansehn Vereen. In verscheden Sppelgemeenschoppen mit annere Vereens hebbt se dor ok in de eerste un twete Bundsliga mitspeelt.
Brüük
ännernElk Johr an’n Sünndag na Pingsten warrt dat Missionsfest fiert. To Pingsten sülvs warrt Maibööm opstellt.[10]
Weertschop un Infrastruktur
ännernVerkehr
ännernDör Rutenbarg löppt de Landsstraat 154, de in’n Noordwesten na Leendaal geiht un in’n Süüdoosten na Otterbarg. Rutendorp un Nee-Rutendorp doot an Straten liggen, de en Stück na Noorden groff parallel to de Landsstraat loopt. Över de Meinershuser Straat, de Middelsmörer Straat un de Huxfeller Straat sünd disse beiden Straten mit de L 154 verbunnen. Na Noorden doot de dree Straten na Meinershusen, Middelsmoor un Huxfeld wiederlopen.
De nächsten Autobahnen sünd de Autobahn 27 un de Autobahn 1. De Opfohrt 19 Horn-Leh (an de Leendaler Heerstraat) op de A 27 un de Opfohrten 52 Eiten (an de L 167) un 50 Stuckenbossel (an de L 168) doot all so bi 14 Kilometer wied weg liggen.
De nächste Bahnhoff is so bi teihn Kilometer wied weg in’n Süden de Bahnhoff Sao’ern an de Bahnlien Hamborg–Bremen. Op de Bahnlien Bremen–Tarms hett dat von 1900 bet 1956 Personenverkehr geven. De Bahnhoff Falkenbarg weer in düsse Tied söss Kilometer in’n Noordwesten.
Scholen
ännernDe Oort harr mit de Grundschool Rutendorp en egen Grundschool. De School müss 2013 dichtmaken, von wegen dat de Schölertall to lütt weer. Nu gaht de Kinner op de Grundschool Grasbarg.
Literatur
ännern- Karl Klausing: Chronik Rautendorf 1762–1989. Bilder und Geschichten eines Moordorfes. 1989
- Karl Klausing: Chronik Rautendorf. Band II. 1762–2003. Bilder und Geschichten eines Moordorfes. 2003
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 187
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 498
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 142
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ http://www.heimatverein-rautendorf.de/brauchtum/
Weblenken
ännern
- Websteed von’n Heimatvereen Rutendorp (hoochdüütsch)