Orange Walk (Stadt)

Wapen/Flagg

Koort

Basisdaten

Distrikt: Orange Walk

Inwahners:

13.674 (2018-00-002018)

Hööchd:

33 m över de See

Geograafsche Laag:

Koordinaten:18° 5′ N, 88° 34′ W18° 5′ N, 88° 34′ W

Orange Walk is en Lüttstadt (Town) in’n Distrikt Orange Walk von dat Land Belize un ok de Hööftstadt von’n Distrikt.

De Öörd Trial Farm un San Jose Palmar sünd egenstännige Gemenen, aver vondaag mit Orange Walk tohoopwussen.

Geografie

De Stadt liggt op dat Westöver von’n New River.

De Naveröörd sünd Trial Farm in’n Noorden, San Estevan in’n Noordoosten, Honey Camp un Carmelita in’n Süüdoosten, Tower Hill un Chan Pine Ridge in’n Süden, San Lazaro in’n Süüdwesten un Yo Creek in’n Westen.

Historie

De eersten Bewahners von dat Rebeed weren de Maya. Maya-Ruinen in de Ümgegend von Orange Walk sünd Cuello un Lamanai. An de Steed von de hüdige Stadt Orange Walk hett dat en lütt Maya-Dörp geven, dat Holpatin heten hett.

De eersten Europäers in dat Rebeed weren Holtfällers, de den New River hoogföhrt sünd, üm Campechebööm to slahn.

In’n Kastenkrieg sünd en ganze Reeg Flüchtlinge ut Mexiko in dat Rebeed von Orange Walk kamen. An’n 1. September 1872 keem dat denn to de Slacht von Orange Walk, bi de en Grupp Maya de Stadt överfullen hett. De Briten kunnen de Angrepers trüggslahn.

Inwahnertall

Johr	Inwahners
1970-00-001970^[1]	5.698
1980-00-001980^[1]	8.439
1991-00-001991^[1]	11.014
2000-00-002000^[1]	13.483
2010-00-002010^[2]	13.707
2018-00-002018^[3]	13.674

De Inwahners weren bi’n Zensus 2000 to 79 % Mestizen un to 13 % Kreolen. De Rest hett sik op de verscheden annern Volksgruppen von Belize opdeelt.^[2]

Börgermeesters

Börgermeesters
Tied	Börgermeester	Partei
üm 1964	Ignacio Vega
1985–1988	Alfredo Martinez	UDP
1989–1991	Ramon Cervantes	PUP
1991–1992	Alfredo Martinez	UDP
2003–2006	Henry Castillo	PUP
2006–2009	Ravei Gonzalez	UDP
2009–2012	Phillip de la Fuente	UDP
2012–	Kevin Bernard	PUP

Weertschop un Infrastruktur

De Belize Defence Forces bedrievt en Kasern in Orange Walk.

För de Gesundheitsversorgung is dat Northern Regional Hospital dor.

För de Weertschop wichtig is de Zuckerindustrie, de vör allen dör de Fabrik von Belize Sugar Industries in Tower Hill präsent is.

Verkehr

De Oort liggt an’n Philip Goldson Highway, de in’n Noordoosten över San Jose na Corozal un an de Grenz to Mexiko föhrt un in’n Süüdoosten över Carmelita na Belize-Stadt. In’n Noordoosten föhrt en Straat över San Estevan na El Progresso un in’n Westen en Straat na Yo Creek un San Antonio.

De Philip Goldson Highway güng fröher merrn dör de Stadt, aver vondaag besteiht en Ümtostraat, de in’n Oosten üm’n Oort rümföhrt.

De Orange Walk Airport liggt in’n Süden von de Stadt.

Scholen

De Oort hett verscheden Grundscholen, ünner annern de La Inmaculada R.C. Primary School, de San Francisco Primary School un de Chapel’s Primary School. Tosätzlich gifft dat de Muffles College High School un de Technical High School.