Seedörp (Neddersassen)

Seedörp is en Oort un Gemeen in de Samtgemeen Sürsen in’n Landkreis Rodenborg (Wümm). In de Gemeen leeft 946 Inwahners (Stand 31. Dezember 2022), de sik op de beiden Oortsdelen Seedörp un Goerns verdeelt.

Wapen/Flagg Koort

Wapen vun Seedörp

Seedörp
Laag vun Seedörp in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Sürsen
Flach: 18,69 km²
Inwahners: 946 (31. Dezember 2022)
Hööchd: 25 m över de See
Postleettall: 27404
Vörwahl: 04284
Geograafsche Laag:
Koordinaten:53° 21′ N, 9° 14′ O
53° 21′ N, 9° 14′ O
Grenzen bi OSM: 1079030 1079030
Gemeenslötel: 03 3 57 042
Öörd in de Gemeen: 2
Börgermeester: Jakob Hinck (WG-Seedörp)
Websteed: www.selsingen.de/seedorf.php
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Seedörp (Neddersassen) in’n Landkreis Rodenborg (Koort lett sik anklicken)

Geografie ännern

De Gemeen Seedörp liggt in’n Süüden vun de Samtgemeen. In’n Noorden grenzt de Gemeen Sürsen an, in’n Westen de Gemeen Oostereis. Na de annern Sieten liggt dat Rebeet vun de Samtgemeen Zeven mit de Gemenen Zeven un Heeßel.

De Gemeen liggt in en idyllsche Landschop mit grode Wooldflachen, Wischen, Feller un Moorrebeden un Heidflachen. En wiet Nett vun Wanner- un Radweeg geevt de Mööglichkeit, sik in de Natur to bewegen. Bi Godens gifft dat ok en Naturschuulrebeet an’n Rand vun Oostdaal. De Oortsdeel Godens is butendem in’t Johr 1970 in den Wettstriet „Unser Dorf soll schöner werden“ Bundswinner worrn.

Geologie ännern

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie ännern

De Gemeen Seedörp gifft dat in disse Form eerst siet de kommunale Rebeetsreform. De beiden Oortsdelen weern vörher egenstännige Gemenen, de den tosamenleggt worrn sünd.

De Naam Seedörp geiht torüch op en See, de twüschen de Landstraat un de Hööftstraat vun’n Oort legen hett, in’t letzte Johrhunnert aver aflaten worrn is. Dat Dörp hett den süüdlichen Deel vun’n See ümslaten. De Naam Godens (hdt. Godenstedt, in en öllere Form Godenhusen) kummt wohrschienlich vun den ollen Personennaam Godo, wat en Kortform vun Godelmer is.

De Gemeen Seedörp weer von 1970 bet 1974 Deel von de Samtgemeen Sürsen. De is 1974 oplööst worrn un dor is de ne’e un gröttere Samtgemeen Sürsen billt worrn, to de de Oort sietdem tohöört.

Religion ännern

Seedörp is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Politik ännern

Gemeenraat ännern

De Gemeenraat vun Seedörp besteiht ut negen Lüüd. Siet de letzten Kommunalwahl in’n September 2016 sett de sik as folgt tohopen:

Partei 2016 2011 2006
WG-Seedörp 6 4 7
WG-Godens 3 3 4
parteilos 1

Börgermeester ännern

Börgermeester vun de Gemeen is Jakob Hinck vun de WG-Seedörp. Sien Viez is Herbert Ahrens vun de WG-Godens, tweete Viez is Horst Junge, de hört keen WG an.

Wapen ännern

Dat Wapen hett en root Feld un dorop en Mammut, dat na rechts geiht. De Stööttähn un Footnagels sünd in Gold afsett. De Schildfoot is swart un wiest en Escher in Sülver, de na rechts utricht liggt. Dat Wapenmotiv speelt op den bekannten Godenster Mergel an, de ok in’t vörig Johrhunnert as Dünger för de Feller versorgt hett. Dat is en Söötwaterkalk, de wiel een vun de Twüscheniestieten tostannenkamen is. In den Kalk sünd tallrieke Knakenresten vun Mammuts funnen worrn.

Ehrenbörgers ännern

Ehrenbörgers von Seedörp sünd:

Kultur ännern

In de Gemeen gifft dat en poor Verenen mit verscheden Saken un afwesseln Veranstalten. So gifft dat en Schüttenvereen, freewillige Füerwehren, en Angelvereen un en Theatergrupp. Bito gifft dat Gaststeden, woneem man macklich bi’nanner sitten kann.

Weertschop ännern

Vun Bedüden is de Bundswehrkaserne in Seedörp. In de Johren 1963 bit 2006 weer in de Kaserne en nedderlännsche Garnison statschoneert, de denn aver aftogen worrn is. Siet Oktober 2006 steiht in Seedörp de gröttste Deel vun de Luftlannenbrigaad 31.

Verkehr ännern

Seedörp liggt an de B 71, de vun Zeven över Brauel na Sürsen föhrt. Över disse Bundsstraat besteiht ok Ansluss an de A 1 (de Opfohrt 48 Elsdörp is 16 Kilometer weg un de Opfohrt 49 Bokel 20 Kilometer).