Santa Elena (Cayo)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 7.389 (2010) | |
| Geograafsche Laag: | Koordinaten:17° 10′ N, 89° 3′ W17° 10′ N, 89° 3′ W | |
|
| ||
Santa Elena is en Deel von de Dubbelstadt San Ignacio/Santa Elena in’n Distrikt Cayo von dat Land Belize.
De Oort weer fröher en egenstännig Dörp op dat rechte Över von’n Macal River, billt vondaag aver mit San Ignacio op dat linke Över (Hööftstadt von’n Distrikt Cayo) en Dubbeloort. Santa Elena harr bi’n Zensus 2010 7389 Inwahners, tohoop harrn de beiden Öörd 17.878 Inwahners.
Geografie ännern
De Oort liggt op dat rechte Över von’n Macal River, de in’n Noordwesten von’n Oort mit’n Mopan River tohoopflütt un den Belize River billt. Na Süden to doot de Maya-Bargen liggen.
De Naveröörd sünd Billy White, Esperanza un Central Farm in’n Noordoosten, Cool Shade in’n Oosten, Seven Miles un San Antonio in’n Süüdoosten, Cristo Rey in’n Süden, San Ignacio in’n Süüdwesten, Maya Heights un Bullet Tree Falls in’n Westen un Iguana Creek un Santa Familia in’n Noordwesten.
Historie ännern
De eersten Minschen hebbt sik in Santa Elena in de twete Hälft von dat 19. Johrhunnert ansiedelt. Dat weren Chicleros un Mahagoni-Holtfällers, de för Ünnernehmers in El Cayo (nu San Ignacio) arbeidt hebbt.[1] Dat Rebeed is toeerst Hermitage nöömt worrn.[1] En groten Deel von dat Land is 1880 op Gregorio Requeña registreert worrn.[1] Op em schall de Naam Santa Elena trügggahn. He weer ut Santa Elena de la Cruz (Petén).[1]
In’n November 1962 is denn beslaten worrn, dat Santa Elena un San Ignacio to een Gemeen (Town) tohoopslaten warrt.[1]
Inwahnertall ännern
| Johr | Inwahners |
|---|---|
| 2010[2] | 7.389 Lüüd, 1.753 Huushollen |
Religion ännern
De wichtigste kathoolsche Kark is de Saint Ignatius Church, de na en Ikon nöömt is, de ut San Ignacio stammen dee. Ok en ganze Reeg annere Religionen hebbt Goddshüüs in Santa Elena.
Weertschop un Infrastruktur ännern
In Santa Elena liggt dat La Loma Luz Hospital.
Verkehr ännern
Dör Santa Elena löppt de George Price Highway, de in’n Noordoosten över Belmopan na Belize-Stadt föhrt un in’n Süüdwesten över de Hawkesworth-Brügg na San Ignacio un wieder na Benque Viejo del Carmen un de Grenz von Guatemala.
In’n Süden föhrt en Straat na Cristo Rey un San Antonio.
De nächste Flegerhaven is de Matthew Spain Airport bi Central Farm.
Scholen ännern
In Santa Elena gifft dat verscheden Grundscholen, ünner annern Santa Elena Primary School un Eden SDA Primary School (bedreven von de Söventen-Dags-Adventisten). De Söventen-Dags-Adventisten bedrievt siet 1987 ok de Eden SDA High School.
Footnoten ännern
- ↑ a b c d e A Walk Through El Cayo: San Ignacio and Santa Elena. Institute for Social and Cultural Research, 2015
- ↑ Zensus 2010 (PDF) von dat Statistical Institute of Belize
Weblenken ännern
Santa Elena (Cayo). Mehr Biller, Videos oder Audiodateien to’t Thema gifft dat bi Wikimedia Commons.