Stadtwarken Stood
De Stadtwarken Stood GmbH sünd en Versorgungsünnernehmen in Stood in Neddersassen. Dat Ünnernehmen hett üm un bi 90 Mitarbeiders[1] un versorgt de Stadt Stood un Rebeden ümto mit Gas, Stroom, Warms un Water.
De Stadtwarken bedrievt ok de Swemmbäder in Stood, ünner annern dat Solemio.
Historie
ännern1859 hett Stood en Gasanstalt kregen, mit de ünner annern 156 Stratenlanternen bedreven worrn sünd. De hebbt an’n 23. April 1859 dat eerste Maal lücht.[2] 1876 sünd ok Gasrohren in de Kehdingerdoorsvörstadt leggt worrn un 1890 is dat Gaswark utboot worrn.[2]
1999 hett de Thüga 20 % von de Andelen an de Stadtwarken köfft. De Thüga hett den Kunzern E.ON tohöört. In dat Johr 2009 hebbt üm un bi 50 Stadtwarken, an de de Thüga Andelen harr, sik to de Grupp Kom9 tohoopslaten un de Thüga von E.ON övernahmen.
To’n 1. Januar 2004 hebbt de Stadtwarken dat Klärwark Stood von de Stadt Stood övernahmen.
De Stadtwarken bedrievt de twee Waterwarken Hogenwedel un Stood-Süüd.
Rebeed
ännernMit Water doot de Stadtwarken blots de Kernstadt Stood mit Ottenbeek, Kamp, Barg, Hahl, Schölisch, Hörn un Stodersand versorgen. De Rebeden ümto warrt von’n Drinkwaterverband Stoder Land versorgt.
De Stadtwarken doot 49.124 Inwahners op dat Rebeed von de Gemeen Stood mit elektrischen Stroom versorgen (Stand 2013).[3]
De Stadtwarken doot kumplett all Huushollen in de Gemenen Gothenborg, Dollern, Deinst, Freenbeek, Heinbockel, Düünbeudel un Himmelpoorten mit Eerdgas versorgen un en groten Deel von de Huushollen in de Gemenen Stood un Hammah.[4]
Vörsitters Opsichtsraad
ännern- 1972–1986: Heinz Dabelow
- Siegfried Spenna
- Hans Blank
Baas
ännern- Juli 1945–: Nicolaus von Borstel
- 1988–2003: Lüder Scholz
- 2003–31. August 2013: Gerhard Hacker
- 1. September 2013–: Christoph Born
Footnoten
ännern- ↑ http://issuu.com/sws_admin/docs/sws_standortanalyse_2012
- ↑ a b 1859 erhellen die ersten Gaslaternen die Stadt Stade, Stader Tageblatt von’n 14. November 2009
- ↑ http://www.stadtwerke-stade.de/de/service/netznutzung/strom-netzdaten.html
- ↑ http://www.stadtwerke-stade.de/fileadmin/downloads/PDF/Netznutzung/Netznutzung_Gas/netz_ka_versorgungsgebiete_gas.pdf
Literatur
ännern- Dieter-Theodor Bohlmann, Lüder Scholz, Gerhard Hacker: Gestern, heute, übermorgen. 150 Jahre Energiebündel vor Ort. Stadtwarken Stood, Stood 2009
Weblenken
ännern- Websteed von de Stadtwarken (hoochdüütsch)
Koordinaten:53° 36′ N, 9° 29′ O