Hauptmenü öffnen

Steven Terrence McQueen (* 24. März 1930 in Beech Grove / Indianapolis, Indiana; † 7. November 1980 in Ciudad Juárez, Mexiko) weer en US-amerikaansch Film- un Feernsehschauspeler. He tell in de 1960er un 1970er Johren to den kassenträchtigsten Filmschauspelern un weer in Western (Die glorreichen Sieben), aber ok in Avendüerer- (Papillon) un Actionfilmen (Bullitt, Getaway) to sehn. Dorneben is he gern Motorrad- un Autorennen fohren.

LevenÄnnern

JöögdÄnnern

As Söhn vun en alkoholkrank Moder verbroch McQueen sien Kindheit up de Farm vun sien Unkel in Slater (Missouri), ahn sien Vater je kennenlehrt to hemm. Later hett hüm sien Moder to sück nah Indianapolis un Los Angeles, wo he sück Jöögdbanden ansluuten dee. As 14-Johriger wurr he in en Heim för swoor to uptrecken Jungs inwiest. As 17-Johriger hett he sück nah verscheeden Jobs för dree to'n Deenst bi de US-Marineinfanterie verplicht.

SchauspeelkarriereÄnnern

Steve McQueen fung sien Schauspeelutbillen 1952 an en Schauspeelschool in New York an. Sien eersten Filmupträe harr he 1956 as Liddmaat vun en Jöögdbande in twee Szenen vun den Boxerfilm Die Hölle ist in mir. De Hööftrull vun den Boxer Rocky Graziano speel Paul Newman. Dornah folgten ünner annern de Kriegsfilm Wenn das Blut kocht, in den he mit Frank Sinatra un Gina Lollobrigida uptreeden dee, as ok de Science-Fiction-Film Blob – Schrecken ohne Namen.

De Chef vun de Produktschonsfirma Four Star Production, Dick Powell, hett McQueen för de US-amerikaansch Feernsehserie Wanted: Dead or Alive (düütsch: Der Kopfgeldjäger, alternativ Josh) verplicht, wiel he hüm in den Speelfilm Blob, Schrecken ohne Namen toseggt harr. De Serie hett McQueen en breet Publikum bekannt maakt. Tüschen 1958 un 1961 entstunnen insgesamt 94 Folgen mit McQueen in de Rull vun den Josh Randall.

Bekannt wurr McQueen 1960 dör dat Remake vun den Akira-Kurosawa-Klassiker Die sieben Samurai. De Handlung wurr in den Wilden Westen verleggt, un de Western keem ünner den Titel Die glorreichen Sieben in den Kinotheatern. Produzeert wurr der Film vun de Mirisch Corporation, vun United Artists wurr he in de Kinos brocht. Söben Revolverhelden, Glücksspeler un Avendüerer staht in Dörp in Mexiko bi, dat vun Banditen terroriseert wurrd. De Rullen vun de anner söss Revolverhelden wurrn mit Yul Brynner, James Coburn, Horst Buchholz, Robert Vaughn, Charles Bronson un Brad Dexter besett. Den gegnerischen Bandenchef speel Eli Wallach. De Gage för McQueen bedroog 100.000 Dollar.

Sien Dörbröök as Filmstar harr he mit dat Drama The Cincinnati Kid, in dat he an de Siet vun Edward G. Robinson en ehrgeizigen Pokerspeler dorstellt. Wiedere Filme ut de 1960er Johren weer de Western Nevada Smith, de Krimi Bullitt un de in China spelen Kriegsfilm Kanonenboot am Yangtse-Kiang, in den he den Matrosen Jake Holman dorstellt. För de Rull in den Film vun de 20th Century Fox kreeg he sien eenzige Oscarnomineeren.

Ferner harr he 1963 en Rull in den Kriegsfilm Gesprengte Ketten, de oorsprünglich in Kalifornien dreiht wurrn sull; man hett sück den aber för en Dreihoort in Bayern entscheed (Füssen im Allgäu). Zitat vun den Speelbaaas: „You know what Germany looks like? It looks like Germany!“. Völ Studenten ut de Gegend wurrn as Nebendorsteller anhüert. De Film foot up en wohr Begevenheit, de sück in dat Kriegsfangenenlager Stalag Luft III todraagen harr. De Flucht up en Motorrad wurr up den Wunsch vun McQueen todätzlich in't Dreihbook upnommen.

Populär is de Dorstellen vun McQueen as wohlhebben un schienbar seriöös Geschäftsmann Thomas Crown in den Kinofilm Thomas Crown ist nicht zu fassen. Ut Langwiel organiseert Crown en Bankroov un lett sück denn up en Katt-un-Muus-Speel mit de up hüm ansett Versekerungsdetektivin (speelt vun Faye Dunaway) in.

In de in dat Johr 1905 spelen Kummedie Der Gauner stell he en Chauffeur dor, de mit den Enkel vun sien Baas en utdehnt Sprütztour maakt.

Mit den Regisseur Sam Peckinpah hett Steve McQueen dat Drama Junior Bonner ut dat Milieu vun de Rodeorieder, as ok an de Siet vun Ali MacGraw den blöödigen Krimi The Getaway, in de en Gangster mit sien Fru över de amerikaansch-mexikaansch Grenz flücht. Mit MacGraw, de he wiels de Produktschoon vun den Gangsterfilm kennenlehrt hett, weer he van 1973 bit 1978 verheiraadt.

En Utbreker speel McQueen in de Romanverfilmung Papillon (1973), de autobiografisch Geschichte vun Henri Charrière. McQueen un Dustin Hoffman sünd twee Gefangene, de ut en Straafkolonie in Französisch-Guayana utbreeken un versööken, in de Zivilisatschon torüchtokehren Neben Paul Newman speel McQueen de gliekberechtigte Hööftrull in den Katastrophenfilm Flammendes Inferno (1974).

Nahdem he mit disse Filme weer twee groot Kassenhits land harr, truck sück McQueen vun de Filmarbeit torüch, ofschons he neben Paul Newman, Clint Eastwood un Robert Redford to de populärsten Stars vun sien Tiet tell un immer weer hoochdoteert Angebote kreeg.

Sien ungewöhnlichst Rull speel he 1978 in Ein Feind des Volkes. In disse Verfilmung vun Henrik Ibsen sein glieknaamig Theaterstück, dat in Norwegen vun dat Johr 1880 speelt, stell he mit buschigen Vullboort den Dokter Thomas Stockmann dor, de de Bevölkerung vör unsauber Water wohrschoot un deswegen to'n Volksfeind verklort wurrd. Disse Rull weer so wiet vun McQueen sien Image as Actionheld wegm dat de Film meest nich in't Kino wiest wurr.

1979 övernehm McQueen de Hööftrull in den Laatwestern Ich, Tom Horn. Dorin speelt he en in de Johren kommen Cowboy, de vun Veehtüchter anhüert wurrd, um deren Veehbestand vör Rovv to schulen. Wegen de düchtig brutalen Gewaltszenen un de in den USA nich anseggt Thematik wurr McQueen kritiseert, aber de Dorstellen vun den Tom Horn weer en vun sien best schauspelerisch Leistungen.

Sien letzt Rull speel McQueen 1980 as Koppgeldjäger in den Krimi Jeder Kopf hat seinen Preis.

PrivatÄnnern

He weer van 1957 bit 1972 mit Neile Adams verheiraadt un harr mit hör twee Kinner, de Dochter Terry Leslie (* 1959), de an' 19. März 1998 im Tosommenhang mit en Lebbertransplantatschoon storven is, un den 1960 boren Söhn Chad. Sien Enkelsöhn is Jungschauspeler Steven R. McQueen.

Affären un sien Hang to Drogen hemm dorto führt, dat de Ehe schett wurrn is. 1973 hett he Ali MacGraw heiraadt, de de wievlich Hööftrull in The Getaway speel. De Ehe hull fiev Johr. 1977 hett he dat 24 Johr old Fotomodell Barbara Minty kennenlehrt, de Dochter vun en Farmbesitter ut Oregon. In hör gemeensam Johren hemm se meest torüchtrucken up en Ranch in Ketchum, Idaho, leevt; se hemm in dat Johr vun sien Dood an' 16. Januar 1980 heiraadt. Noch hüüd leevt Barbara McQueen up disse Ranch. Se weer de Eenzige, de private Fotos vun hüm maken drüff, dat harr se to Anfang vun hör Verhältnis hüm tegenöver to en Bedingung maakt.

MotorsportÄnnern

As sien Kollegen James Dean, Paul Newman un James Garner weer McQueen begeistert Motorsportler. 1964 weer he Liddmaat vun de US-amerikaansch Natschonalmannschap bi de Internatschonale Sössdaagfohrt in' Endurosport in Erfurt.[1] 1970 wurr he bi dat 12-Stünn-Rennen vun Sebring up en Porsche 908/02 Tweet, nich toletzt dank sien Teamkollegen Peter Revson un de Utfälle vun völ Konkurrenten. Sien Deelnahm an dat 24-Stünn-Rennen vun Le Mans 1970 up en Porsche 917 tosommen mit Jackie Stewart wurr aber aflehnt. McQueen drüff aber vun sien deelnehmen Porsche 908 authentische Rennszenen för den vun hüm produzeerten Film Le Mans dreihn laaten. De Film kreeg wegen de minn Handlung un de wenigen Dialoge kien Spood bi dat Publikum, för Motorsport-Fans is he aber en interessante Dokumentatschoon. Mit Bruce Brown produzeer he de Dokumentarfilm Teufelskerle auf heißen Feuerstühlen över verscheeden Aarten vun Motorradsport in den USA. Dorin is he ok in eenig Rennszenen as Fohrer to sehn. In den 1968 rutkommen Bullitt seet McQueen be de legendäär twalfminüüt düern Verfolgungsjagd in de Straaten vun San Francisco över wiet Deelen sülvst an dat Stüer vun en Ford Mustang Fastback. Eenige fohrerisch besünners ansprööksvull Szenen wurrn mit den 2007 storven Stuntman Bud Ekins an't Stüer dreiht.[2] De Leev to de Flegeree fung in' März 1979 an, 19 Maand för sien Dood. McQueen hett to dissen Tietpunkt en geel Boeing Stearman köfft, en old Düppeldecker Bauhjohr 1940, noch bevör he överhoopt en Pilotenlizenz harr. Nah den Erwerb vun de Lizenz gull sien Liedenschap old Floogtüüch, he harr ok en old Pitcairn, en ehmaligen Düppeldecker vun de U.S. Mail.

DoodÄnnern

Wiels de Dreiharbeiten to Jeder Kopf hat seinen Preis wurr bi Steve McQueen Borstfellkrebs faststellt. He weer en starken Rooker un wiels sien Tiet bi de US Marines länger Tiet asbesthollen Materialien up Scheep utsett.

He hett sück an den düütschen Alternativmediziner Josef Issels wennd, bi de later ok Bob Marley in Behandlung weer. De Therapie hett aber nich anslahn. Up de Söök nah Behannelnsmethoden is he nah Mexiko reist. In en Klinik in Juárez is he in dat Öller vun 50 Johren nah en Operatschoon an en Hartinfarkt storven. Nah de Inäscherung wurr de Asch vun Steve McQueen in' Pazifik verstreet.[3]

Filmographie (Utwahl)Ännern

Johr Titel Synchroonsnacker
1953 Girl on the Run  
1956 Somebody Up There Likes Me
dt.: Die Hölle ist in mir
Wolfgang Gruner
1958 Never Love a Stranger
dt.: Der Gangsterkönig von New York
 
1958 The Blob
dt.: Blob, Schrecken ohne Namen
Eckart Dux
1958–1961 Wantes:Dead or Alive, Feernsehreeg
dt.: Josh / Der Kopfgeldjäger
Randolf Kronberg
1959 The Great St. Louis Bank Robbery  
1959 Never So Few
dt.: Wenn das Blut kocht
Dietrich Frauboess
1960 The Magnificent Seven
dt.: Die glorreichen Sieben
Herbert Stass
1961 The Honeymoon Machine
dt.: Die Heiratsmaschine
 
1962 Hell Is for Heroes
dt.: Die ins Gras beißen
Peer Schmidt
1962 The War Lover
dt.: Wir alle sind verdammt
Klaus Kindler
1963 The Great Escape
dt.: Gesprengte Ketten
Klaus Kindler
1963 Love with the Proper Stranger
dt.: Verliebt in einen Fremden
Eckart Dux
1963 Soldier in the Rain  
1965 Baby the Rain Must Fall
dt.: Die Lady und der Tramp
 
1965 The Cincinnati Kid
dt.: Cincinnati Kid
Michael Chevalier
1966 Nevada Smith Thomas Ecklemannr
1966 The Sand Pebbles
dt.: Kanonenboot am Yangtse-Kiang
Michael Chevalier
1968 The Thomas Crown Affair
dt.: Thomas Crown ist nicht zu fassen
Dietmar Schönherr
1968 Bullitt Klaus Kindler
1969 The Reivers
dt.: Der Gauner
Michael Chevalier
1971 Le Mans Michael Chevalier
1971 Junior Bonner Michael Chevalier
1972 The Getaway
dt.: Getaway
Hansjörg Felmy
1972 Papillon Klaus Kindler
1974 The Towering Inferno
dt.: Flammendes Inferno
Klaus Kindler (1. Synchro)
Thomas Danneberg (DVD, 2003)
1978 An Enemy oft he People
dt.: Ein Feind des Volkes
 
1980 Tom Horn
dt.: Ich, Tom Horn
Klaus Kindler
1980 The Hunter
dt.: Jeder Kopf hat seinen Preis
Klaus Kindler

TriviaÄnnern

De britisch New Wave-Band Prefab Sprout hett 1985 hör tweet Album nah hüm nömmt.

Sheryl Crow hett Steve McQueen 2002 en Song widmet. Der dortogehörrn Videoclip speelt insbesünnere Auto-Szenarien ut sien Filmen nah.

Motorsport-StatistikÄnnern

Sebring-ErgevnisseÄnnern

Jahr Team Fohrtüüch Teamkolleeg Platzeeren Utfallgrund
1962 Donald Healey Motor Co. Austin-Healey Sebring Sprite John Colgate Utfall Motorschaden
1970 Solar Productions Inc. Porsche 908/02 Peter Revson Rang 2 un Klassensieg

LiteraturÄnnern

  • Yann-Brice Dherbier (Rutgever): Steve McQueen. Bilder eines Lebens. Henschel, Leipzig 2008, ISBN 978-3-89487-604-3.
  • John Dominis: Steve McQueen: Photographien von John Dominis. München, Schirmer Mosel, 2009, 1. Uplaag, ISBN 978-382960-412-3
  • Neuerscheinung Buch Behind the Scenes-Gesprengte Ketten-The Great Escape, Fotografien vun den Kameramann Walter Riml (Online)

WeblenkenÄnnern

Enkeld NahwiesenÄnnern

  1. "Six Days"-Motocross Rennen in der DDR – Wer war dabei? up einestages, afropen an' 28. Juli 2010
  2. Jochen Vorfelder: [1] Alter Ego des King of Cool: Zum Tode von Stunt-Fahrer Bud Etkins, SPIEGEL ONLINE, van' 10. Oktober 2007, afropen an' 21. Juli 2009
  3. knerger.de